ءدىن ىستەرى كوميتەتىنىڭ قولداۋىمەن 23-24 تامىزدا الماتى قالاسىندا ءدىن ماسەلەلەرى بويىنشا بىلىكتى مامانداردى دايىنداۋعا باعىتتالعان ءىس-شارا ءوتتى. وعان ء«دىن زەرتتەۋ ورتالىعى» كمم, «اقنيەت» قق ماماندارى, پسيحولوگتارى مەن تەولوگتارى, جەرگىلىكتى اتت مۇشەلەرى قاتىستى. جيىندا ءدىن ماسەلەلەرى بويىنشا ءتۇسىندىرۋ توبىنىڭ مۇشەلەرى – مەدياتسيا مامانى بەكباۋوۆ نۇربەك سەرىك ۇلى, پسيحولوگيا مامانى شاكيموۆا لولا سەرگەەۆنا, تەاتر پەداگوگى, كوركەمسوز وقۋ شەبەرى, جوعارى كاتەگوريالى كاسىبي ديكتور ابزەلباەۆ مۇرات نازتاي ۇلى جانە زاڭ عىلىمدارى پروفەسسورى, «قر ەكسترەميزم مەن تەرروريزمدى زەرتتەۋ ورتالىعى» قق جەتەكشىسى بيشمانوۆ كاكىمجان مۇراتجان ۇلى سەمينار وقىدى.
نۇربەك بەكباۋوۆ «دەسترۋكتيۆتى اعىم وكىلىمەن سۇقبات قۇرۋ ءتاسىلى. قالىپتى ورتاعا قايتارۋدىڭ ءتيىمدى ادىستەرى» تاقىرىبىندا ءسوز سويلەدى. ول قاتىسۋشىلارعا باسقا اعىمنىڭ جەتەگىندە كەتكەن ادامدارمەن جۇمىس ىستەۋدىڭ ءتيىمدى تاسىلدەرىن ءتۇسىندىرىپ ءوتتى. سونىمەن قاتار «تاڭىرشىلدىك: حوببيدەن لوببيگە دەيىن» تاقىرىبى اياسىندا جالپى تەوريالىق اقپارات بەردى.
ءوز كەزەگىندە ءسوز العان شاكيموۆا لولا سەرگەەۆنا «پريمەنەنيە وسنوۆ پروفايلينگا دليا ۆىياۆلەنيا گرۋپپى ريسكا ۆ مولودەجنوي سرەدە» تاقىرىبىندا ءسوز سويلەدى. ول قاتىسۋشىلارعا جاستار اراسىنداعى تاۋەكەل توپتارىن انىقتاۋ ءۇشىن پروفايلينگ تەحنيكاسىن, ياعني, قىلمىس جاساۋعا دايىن تۇرعان تۇلعانىڭ سىرتقى كەلبەتىنە, ميميكاسىنا, ءجۇرىس-تۇرىسىنا قاراپ قالاي انىقتاۋعا بولاتىنىن ءتۇسىندىردى. سونداي-اق «مەتودى يزۋچەنيا ليچنوستي, پريمەنياەمىە ۆ پسيحوكوررەكتسيوننوي رابوتە س ادەپتامي درت» تاقىرىبىندا قاتىسۋشىلارعا پسيحوكوررەكتسيالىق جۇمىستا قولدانىلاتىن تۇلعانى زەرتتەۋ ادىستەرىن ۇيرەتتى.
بۇدان سوڭ مۇرات نازتاي ۇلى «سويلەۋ تەحنيكاسى جانە ءسوز ارەكەتىنىڭ ەلەمەنتتەرى» تاقىرىبىندا سويلەۋ تەحنيكاسىنىڭ مەڭگەرۋدىڭ ءتيىمدى جولدارىن اتاپ ءوتىپ, دۇرىس تىنىس الۋدى, ءۇننىڭ قۇلاققا جاعىمدى, ءسوزدىڭ, بۋىننىڭ اشىق, ايقىن بولۋىنا سەپتىگىن تيگىزەتىن تاسىلدەردى ءبولىستى. ودان بولەك, «كوپشىلىك الدىندا سويلەۋ شەبەرلىگى» تاقىرىبى اياسىندا اۋىزشا سويلەۋ مەن اۋديتوريانىڭ ەرەكشەلىكتەرىنە ۇيلەستىرە ءبىلۋ, اۋديتوريانىڭ تۇتقيىلدان قويعان سۇراقتارىنا تاپقىر جاۋاپ بەرۋگە بايلانىستى ترەنينگ وتكىزدى.
كاكىمجان مۇراتجان ۇلى «پروتيۆودەيستۆيە تەرروريزمۋ ي رەليگيوزنومۋ ەكسترەميزمۋ ۆ ۋسلوۆياح گلوباليزما» تاقىرىبىندا جاھاندىق جاعدايداعى تەرروريزم مەن ءدىني ەكسترەميزمگە قارسى كۇرەستىڭ قۇقىقتىق نەگىزدەرىنە توقتالا وتىرىپ, كەلەسى كەزەكتە, «وسنوۆنىە ۆوپروسى رەاليزاتسي زاكونوداتەلستۆا ۆ سفەرە رەليگي» تاقىرىبىندا ءدىن سالاسىنداعى مەملەكەتتىك ساياساتتىڭ نەگىزگى باعىتتارىن, پرينتسيپتەرىن قاتىسۋشىلارعا ءتۇسىندىردى.
سونىمەن قاتار سەمينارلار مەن ترەنينگتەر بارىسىندا قاتىسۋشىلار تاراپىنان دارىسكەرلەرگە سۇراقتار قويىلىپ, تۇشىمدى جاۋاپتار الىندى.
