ۆەدومستۆونىڭ مالىمەتىنشە, ءىس-شاراعا كورەيانىڭ حالىقارالىق ەكونوميكالىق ساياسات ينستيتۋتىنىڭ (KIIEP), حانگۋك شەت تىلدەرى ۋنيۆەرسيتەتى (HUFS) ورتالىق ازيانى زەرتتەۋ ورتالىعىنىڭ باسشىلارى مەن ساراپشىلارى, «ورتالىق ازيا – كورەيا رەسپۋبليكاسى» ىنتىماقتاستىق فورۋمى حاتشىلىعىنىڭ وكىلدەرى, كورەيا رەسپۋبليكاسىنىڭ قازاقستانداعى بۇرىنعى ەلشىلەرى, سونداي-اق وڭتۇستىك كورەيانىڭ باق وكىلدەرى قاتىسقان.
«دوڭگەلەك ۇستەل اياسىندا قازاقستاننىڭ كورەياداعى ەلشىسى نۇرعالي ارىستانوۆ كورەي ساراپشىلارىن وتكەن جىلى قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ باستاعان نەگىزگى رەفورمالارمەن جانە قازىرگى جاعدايداعى قازاق-كورەي قاتىناستارىنىڭ كەلەشەگى تۋرالى ەگجەي-تەگجەيلى تانىستىردى. كورەي قوعامىنىڭ وكىلدەرى قابىلدانعان رەفورمالاردىڭ وڭ اسەرىن اتاپ ءوتىپ, قازاقستاندىق قوعامدى دەموكراتيالاندىرۋ دەڭگەيىن جوعارى باعالادى. سونداي-اق, ساراپشىلار قازاقستاننىڭ تاڭداعان دامۋ ۆەكتورى ەكونوميكالىق ىنتىماقتاستىقتى ودان ءارى دامىتۋعا تىڭ سەرپىن بەرەتىنىنە سەنىم ءبىلدىردى», دەلىنگەن حابارلامادا.
