قازاقستان قۇس وسىرۋشىلەر وداعىنىڭ وكىلى رۋسلان شاريپوۆ بيداي اكەلۋگە ەنگىزىلگەن تىيىمعا ۇقساس تاۋىق ەتىن رەسەي فەدەراتسياسىنان اكەلۋگە شەكتەۋلەر ەنگىزۋ مۇمكىندىگى تۋرالى ماسەلە كوتەردى. ونىڭ ايتۋىنشا, يمپورتتالعان تاۋىق ەتى وتاندىق تاۋىققا قاراعاندا الدەقايدا ارزان. سونداي-اق يمپورتتىق ەتتى وتاندىق ءونىم تۇرىندە ساتۋ جاعدايلارى بولعان.
س.جۇمانعاريننىڭ ايتۋىنشا, يمپورتتىق ونىمدەردى اكەلۋگە «قازاقستان رەسپۋبليكاسىنىڭ ۇلتتىق قاۋىپسىزدىگى تۋرالى» زاڭنىڭ 22-بابىنا جانە ەۋرازيالىق ەكونوميكالىق وداق تۋرالى شارتتىڭ 29-بابىنا سايكەس ەلدىڭ ەكونوميكالىق جانە ازىق-ت ۇلىك قاۋىپسىزدىگىنە قاۋىپ تونگەن كەزدە تىيىم سالۋعا بولادى. قۇس ەتى يمپورتقا تاۋەلدىلىگى جوعارى الەۋمەتتىك ازىق-ت ۇلىك ونىمدەر قاتارىنا ەنگەنىمەن, قازاقستان تۇتىنۋشىلاردىڭ تاۋىق ەتىنە دەگەن قاجەتتىلىگىن 60%-عا عانا قامتاماسىز ەتەدى. سوندىقتان رەسەيلىك تاۋىق ەتىنىڭ يمپورتىن باعانىڭ وسۋىنە جانە ەل ىشىندە تاپشىلىق تۋعىزۋ قاۋپىنسىز جابۋ مۇمكىن ەمەس. سونىمەن قاتار ەگەر سانيتارلىق-ەپيدەميالىق ستاندارتتاردى, كونترافاكتىنى جانە باسقا دا قولدانىستاعى نورمالاردى بۇزۋ فاكتىلەرى بولسا, زەرتتەۋ جۇرگىزىلەدى جانە راستالعان جاعدايدا شەكتەۋ شارالارىن قابىلداۋ ءۇشىن تەحنيكالىق رەتتەۋ جانە مەترولوگيا كوميتەتىنىڭ بازاسىندا قولدانىلاتىن احۋالدىق شتابقا جۇگىنۋ قاجەت.
اۋىل شارۋاشىلىعى تاۋارىن ءوندىرۋشى قاناتبەك ۇزەمباەۆ پاۆلودار وبلىسىندا كۇزگى-قىسقى كەزەڭدە شابىندىق القاپتاردى دايىنداۋ جانە ەرتىس وزەنىنىڭ بويىنداعى اۋىل شارۋاشىلىعى جەرلەرىن سۋمەن قامتاماسىز ەتۋ ماسەلەسىن كوتەردى. پاۆلودار وبلىسى اكىمىنىڭ ورىنباسارى سەرىك باتىرعوجينوۆ اكىمدىك جۇرگىزگەن تەكسەرۋ قورىتىندىسى بويىنشا وبلىستىڭ بارلىق اۋدانىندا اۋىل شارۋاشىلىعى جەرلەرىنە ارنالعان رەزەرۆتىك شالعىندار بار ەكەنىن ايتتى. جەمشوپپەن تولىق قامتاماسىز ەتۋ ءۇشىن سقو اكىمدىگىمەن قوسىمشا تايىنشا, اقجار جانە م.جۇماباەۆ اۋداندارىندا جەم دايىنداۋ ماسەلەسى شەشىلگەن. ال ايماقتاعى ءشوپ القاپتارىنداعى سۋ تاپشىلىعى تۋرالى ەكولوگيا جانە تابيعي رەسۋرستار ۆيتسە-ءمينيسترى گاليدۋللا ازيدۋللين تۇسىنىكتەمە بەردى. ول مۇنداي پروبلەما بيىل تۇنگى تەمپەراتۋرانىڭ تومەندەۋىنە بايلانىستى بۇيىرلىك اعىننىڭ تومەندەۋىنە وراي ورىن العانىن راستادى. ەرتىس بويىنشا سۋ جىبەرۋدىڭ جالپى كولەمى جوسپارلانعان 4 590 ملن تەكشە مەتر ورنىنا 4 100 ملن تەكشە مەتردى قۇرادى.
س.جۇمانعارين ەكولوگيا جانە تابيعي رەسۋرستار, اۋىل شارۋاشىلىعى مينيسترلىكتەرىنە پاۆلودار وبلىسىنىڭ اكىمدىگىمەن بىرلەسىپ, اۋىل شارۋاشىلىعى القاپتارىن سۋمەن قامتاماسىز ەتۋ ءۇشىن ەرتىس بويىنشا قاجەتتى سۋ وتكىزۋ كولەمىن ۇيىمداستىرۋ بولىگىندە جۇمىستى جولعا قويۋدى تاپسىردى. اۋىل شارۋاشىلىعى مينيسترلىگىنە سۋارۋ بويىنشا جوبالاردى پىسىقتاۋدى تاپسىردى.
«كومىر» عزو» جشس ديرەكتورى ەرلان الشەروۆ كومىر سالاسىندا ۇلتتىق ستاندارتتاردى ازىرلەۋ بويىنشا مەملەكەتتىك ساتىپ الۋدىڭ ۇزاققا سوزىلعان كونكۋرسى تۋرالى سۇراقپەن جۇگىندى. كونكۋرستىڭ ۇزاققا سوزىلۋ سەبەپتەرى بويىنشا تەحنيكالىق رەتتەۋ جانە مەترولوگيا كوميتەتى توراعاسىنىڭ ورىنباسارى جاننا ەسەنبەكوۆا تۇسىنىكتەمە بەردى.
