فوتو: ۇكىمەتتىڭ ءباسپاسوز قىزمەتى
وعان ورتالىق مەملەكەتتىك جانە جەرگىلىكتى اتقارۋشى ورگاندار باسشىلارىنىڭ ورىنباسارلارى, رەسپۋبليكالىق كاسىپوداقتار بىرلەستىكتەرى مەن جۇمىس بەرۋشىلەردىڭ وكىلدەرى قاتىستى.
وتىرىستا ەڭبەك قاتىناستارىن رەتتەۋ بويىنشا جۇمىس بارىسى, ونىڭ ىشىندە جالاقى بەرەشەگى, ەڭبەك جانجالدارى جانە تاعى باسقا دا ماسەلەلەردى شەشۋ بويىنشا جۇرگىزىلىپ جاتقان ءىس-شارالار قارالدى.
سونىمەن قاتار كۇن تارتىبىندە الەۋمەتتىك ارىپتەستىك, الەۋمەتتىك جانە ەڭبەك قاتىناستارىن رەتتەۋ جونىندەگى سالالىق كوميسسيالاردىڭ جۇمىسى, ەڭ تومەنگى جالاقى مولشەرىن ايقىنداۋ ادىستەمەسىن زاڭنامالىق بەكىتۋ بويىنشا جۇرگىزىلەتىن جۇمىس, سونداي-اق حالىقارالىق ەڭبەك ۇيىمىمەن ىنتىماقتاستىقتىڭ كەيبىر ماسەلەلەرى, ونىڭ ىشىندە «لايىقتى ەڭبەك» باعدارلاماسىن قايتا باستاۋ ءىسى قارالدى.
قورىتىندىلاي كەلە, بيزنەستىڭ الەۋمەتتىك جاۋاپكەرشىلىگى جونىندەگى «پارىز» كونكۋرسىن وتكىزۋدى ۇيىمداستىرۋ بويىنشا قابىلدانىپ جاتقان شارالار جانە جىل سايىنعى «ەڭبەك جولى» رەسپۋبليكالىق كونكۋرسىنىڭ وڭىرلىك كەزەڭىن وتكىزۋ قورىتىندىلارى تالقىلاندى.
كەڭەس قورىتىندىسى بويىنشا قر پرەمەر-ءمينيسترىنىڭ ورىنباسارى تامارا دۇيسەنوۆا مەملەكەتتىك ورگاندار مەن اكىمدىكتەرگە ەڭبەك الدىن الۋ جانە شەشۋ, الەۋمەتتىك ارىپتەستىك شەڭبەرىندەگى ءوزارا ءىس-قيمىلعا, حالىقارالىق ستاندارتتارعا سايكەس ۇلتتىق زاڭنامانى پىسىقتاۋعا قاتىستى جۇرگىزىلىپ جاتقان جۇمىستى كۇشەيتۋ جانە تيىسىنشە ورىنداۋ, ەڭ تومەنگى جالاقىنى ايقىنداۋ ادىستەمەسىن زاڭنامالىق تۇرعىدان بەكىتۋ شارالارىن قابىلداۋ جانە «ەڭبەك كۇنىن» مەرەكەلەۋگە ارنالعان ءىس-شارالار جوسپارىن ورىنداۋ جونىندە بىرقاتار تاپسىرما بەردى.
