مەملەكەتتەر باسشىلارى تاجىكستاننىڭ قازاقستانداعى مادەنيەت كۇندەرىنىڭ اشىلۋ راسىمىنە قاتىستى. ءىس-شارا ەكى ەل اراسىنداعى ديپلوماتيالىق قاتىناستاردىڭ 30 جىلدىعىنا وراي ۇيىمداستىرىلىپ وتىر.
«استانا وپەرا» تەاترىندا تاجىكتىڭ «زەبو», «گۋلرەز», «پاراستۋ» بي انسامبلدەرى, سونداي-اق اميردجون رۋزي, شاروفات ۋسمونزودا, سيتوراي كاروماتۋللو, تاحمينا نيەزوۆا, راحماتۋللو حوشيم, فوتيماي حۋدويبەردي جانە تاعى باسقا انشىلەر ونەر كورسەتتى.
تاجىكستاننىڭ قازاقستانداعى مادەنيەت كۇندەرى 23-26 تامىز ارالىعىندا وتەدى. ءىس-شارا اياسىندا تاجىك كينەماتوگرافياسىنىڭ جاۋھارى سانالاتىن «رۋستام مەن سۋحروب» كوركەم ءفيلمى كورسەتىلدى.
