«سىزبەن ەلوردامىزدا جۇزدەسىپ وتىرعانىما قۋانىشتىمىن. ءسىزدىڭ ساپارىڭىز ءبىزدىڭ باۋىرلاس ەلدەرىمىز اراسىنداعى شىنايى دوستىق قارىم-قاتىناستى ودان ءارى نىعايتۋ تۇرعىسىنان زور ماڭىزعا يە. ەلدەرىمىز اراسىنداعى ستراتەگيالىق سەرىكتەستىك, وداقتاستىق قارىم-قاتىناس تۋرالى ايتۋعا تولىق نەگىز بار. استاناداعى تاجىك مادەنيەتى كۇندەرىنىڭ اشىلۋىنا ءسىزدىڭ ارنايى كەلۋىڭىزدىڭ ءوزى كوپ نارسەنى اڭعارتادى. ءسىزدىڭ ساپارىڭىزدى جوعارى باعالايمىن», دەدى قازاقستان پرەزيدەنتى.
ءوز كەزەگىندە ەمومالي راحمون قاسىم-جومارت توقاەۆپەن حالىقارالىق جانە ايماقتىق ماسەلەلەردى تالقىلاعىسى كەلەتىنىن ايتتى.
«قۇرمەتتى قاسىم-جومارت كەمەل ۇلى, شاقىرتۋىڭىزعا, ىلتيپاتىڭىزعا, قوناقجايلىق كورسەتكەنىڭىزگە كوپ راقمەت! ەڭ الدىمەن, بۇگىن سىزبەن ەكى ەل اراسىنداعى قارىم-قاتىناستىڭ احۋالى مەن پەرسپەكتيۆالارىن, سونداي-اق حالىقارالىق جانە ايماقتىق ماسەلەلەردى تالقىلاعىم كەلەدى», دەدى تاجىكستان پرەزيدەنتى.
