ءساتتى اياقتالعان كۇردەلى وتالار جۇرەك قانتامىرلارىنا بىتكەن اقاۋلاردى قالپىنا كەلتىرىپ, وكىنىشتى سالداردىڭ الدىن الۋعا بولاتىنىن كورسەتتى. بۇل وبلىستاعى دارىگەرلەر ءۇشىن دە قۇندى تاجىريبە بولدى.
«قوستاناي وبلىسىندا جۇرەك قانتامىرلارىنا 7 وپەراتسيا جاسادىق. سونىڭ ىشىندە رۋدنىي قالاسىندا العاش رەت 4 ناۋقاسقا گيس ءتۇيىنىنىڭ سول اياقشاسىنا ەكىكامەرالى كارديوستيمۋلياتور يمپلانتى قويىلدى. قالعان ءۇش وپەراتسيا قوستانايداعى كارديولوگيالىق ورتالىقتا جاسالدى. ءبىرىنشى, جۇرەك جەتىسپەۋشىلىگىن ەمدەۋ جانە كەنەتتەن ءولىپ كەتۋدىڭ الدىن الۋدا ۇشكامەرالى كارديوۆەرتەرا-دەفيبريللياتور اپپاراتىن قويدىق. ەكىنشى ناۋقاسقا كەڭەيتىلگەن كارديوميوپاتيا دياگنوزى بويىنشا ومىرگە قاۋىپ توندىرەتىن اريتميانى جويۋ جانە جۇرەكتىڭ توقتاپ قالۋىن بولدىرماۋ ءۇشىن كارديوۆەرتەر-دەفيبريللياتور ورناتىلدى. ءۇشىنشى وپەراتسيادا ناۋقاسقا اتريالدى فيبريللياتسيا بويىنشا جۇرەك ىرعاعىنىڭ كوررەكتسياسى جاسالدى. وڭىردەگى ارىپتەستەر دە وپەراتسياعا قاتىسىپ, قر ءپىب مو اۋرۋحاناسىندا جۇرەك قانتامىرىنا قولدانىلاتىن وپەراتسيا تاسىلدەرىن ۇيرەندى. وپەراتسيادان كەيىن ناۋقاستاردىڭ جاعدايى جاقسى, دارىگەر باقىلاۋىندا بولادى», دەدى قر ءپىب مو اۋرۋحاناسى اريتمولوگيا بولىمشەسىنىڭ مەڭگەرۋشىسى, باس اريتمولوگ, پروفەسسور ايان ءابدىراحمانوۆ.
باس اريتمولوگتىڭ ايتۋىنشا, رۋدنىي قالاسىندا العاش رەت جاسالعان بۇل وپەراتسيالاردى ءارى قاراي كۇن تارتىبىنە ەنگىزۋگە بولادى, دەگەنمەن تاعى دا بىرنەشە شەبەرلىك ساباعىن وتكىزۋ ءوڭىر دارىگەرلەرىنە پايدالى بولماق. قر ءپىب مو مەن قوستاناي وبلىسى اكىمدىگى اراسىندا ورناتىلىپ جاتقان ىنتىماقتاستىق مەموراندۋمىنىڭ ارقاسىندا ءوزارا تاجىريبە الماسۋ شارالارىن جالعاستىرۋ مۇمكىندىگى بار.
ايتا كەتسەك, قر ءپىب مەديتسينالىق ورتالىعىن دامىتۋدىڭ 2023-2025 جىلدارعا ارنالعان تۇجىرىمداماسىن جۇزەگە اسىرۋ ماقساتىندا بۇعان دەيىن شىمكەنت قالاسى مەن اقمولا, اقتوبە, شقو, اتىراۋ وبلىستارىندا 70-كە جۋىق وپەراتسيا, 400-گە جۋىق دارىگەرلىك كەڭەس, 40-قا جۋىق ءدارىس وقىلدى.
