جوبا 6 قىركۇيەكتە ساعات 14.00-دە قاراجار (يلينكا) اۋىلىندا باستاۋ الادى. ءىس-شارا قارساڭىندا, دالىرەك ايتقاندا 5 قىركۇيەكتە ەلورداداعى «قازانات» يپپودرومىندا 18.00-دە رەسپۋبليكالىق ۇلتتىق سپورت تۇرلەرىنىڭ فەستيۆالى اياسىندا جورىقتىڭ سالتاناتتى تۇساۋكەسەرى وتەدى.
ۇزىندىعى 1300 شاقىرىم بولاتىن مارشرۋت اقمولا, قاراعاندى, ۇلىتاۋ, قىزىلوردا جانە تۇركىستان وبلىستارىن باسىپ ءوتىپ, 19 قىركۇيەكتە تۇركىستان قالاسىندا ءوز مارەسىنە جەتەدى.
« ۇلى دالا جورىعى» مارافون-بايگەسىندەگى 1300 شاقىرىم قاشىقتىقتى باعىندىراتىندار قاتارىندا قىزداردان جاساقتالعان ء«يمانجۇسىپ» كومانداسى - اقمولا وبلىسىنىڭ قۇراماسى ۇلكەن دوداعا دايىندىقتى باستاپ كەتتى.
مەرزاق سادۋاقاسوۆ سىندى ەر ازاماتپەن قاتار ءلاززات, لاۋرا, اننا, ەۆگەنيا ەسىمدى 4 ارۋ اقمولا وبلىسى كومانداسىنىڭ نامىسىن قورعاماق. 
جوبانىڭ جۇلدە قورى - 65 ملن تەڭگە. جەڭىمپاز كوماندا 30 ملن تەڭگە, ەكىنشى ورىن يەگەرلەرى - 20 ملن تەڭگە, قولا جۇلدەگەرلەر - 15 ملن تەڭگە الادى.
ايتا كەتسەك, مارافون جۇمىسىنا 2 حالىقارالىق, 2 قازاقستاندىق سۋديا جانە 2 حالىقارالىق, 3 قازاقستاندىق ۆەتەرينار شاقىرىلدى.
« ۇلى دالا جورىعى» جوباسىن رەسپۋبليكالىق «JORYQ» ات سپورتى فەدەراتسياسى قازاقستان رەسپۋبليكاسى مادەنيەت جانە سپورت مينيسترلىگىنىڭ, «امانات» پارتياسىنىڭ, قر ۇلتتىق سپورت تۇرلەرى قاۋىمداستىعىنىڭ قولداۋىمەن جۇزەگە اسىرادى.
