فوتو: مەملەكەتتىك كىرىستەر دەپارتامەنتىنىڭ ءباسپاسوز قىزمەتى
الماتى وبلىسى بويىنشا مەملەكەتتىك كىرىستەر دەپارتامەنتى بيىل ماۋسىم ايىندا «ALTYN ORDA NEW COMPANY» جشس-دە حرونومەتراجدىق زەرتتەۋ جۇرگىزگەن.
«جشس 2022 جىلدىڭ 4 توقسانىنا 530,4 ملن تەڭگەنىڭ كىرىسىن كورسەتە وتىرىپ, قوسىمشا سالىق ەسەپتىلىگىن تاپسىردى. قوسىمشا ەسەپتەلگەن قوسىلعان قۇن سالىعى - 63,6 ملن تەڭگە, كورپوراتيۆتى تابىس سالىعى - 106,0 ملن تەڭگە.ء وسىمپۇلدى ەسەپتەمەگەندە حرونومەتراجدىق تەكسەرۋ ناتيجەلەرى بويىنشا بيۋدجەتكە بارلىعى 169,6 ملن تەڭگە تۇستى. تەكسەرۋ بارىسىندا «ALTYN ORDA NEW COMPANY» جشس-دە باقىلاۋ-كاسسا ماشينالارىن قولدانباي اقشالاي ەسەپ ايىرىسۋدى جۇزەگە اسىرۋدىڭ قوسىمشا نۇكتەلەرى انىقتالدى. تەكسەرۋ ناتيجەلەرى بويىنشا قوسىمشا 4 باقىلاۋ-كاسسا ماشيناسى تىركەلدى», دەلىنگەن ۆەدومستۆونىڭ ءباسپاسوز قىزمەتى تاراتقان اقپاراتتا.
«التىن وردا» ساۋدا بازارىندا ءتۇسىندىرۋ جۇمىستارىنىڭ ناتيجەسىندە جەكە كاسىپكەرلەر رەتىندە 742 سالىق تولەۋشى جانە باقىلاۋ-كاسسا ماشينالارى ەرىكتى تۇردە تىركەلگەن.
ودان بولەك, الماتى وبلىسى بويىنشا پوليتسيا دەپارتامەنتىنىڭ قىزمەتكەرلەرىمەن بىرلەسىپ, «التىن وردا» بازارىندا كاسىپكەرلىك قىزمەتتى سالىق ورگاندارىندا تىركەۋسىز جۇزەگە اسىراتىن تۇلعالاردى انىقتاۋ بويىنشا تاقىرىپتىق (رەيدتىك) تەكسەرۋ جۇرگىزىلگەن. رەيد بارىسىندا 12 جەكە تۇلعا انىقتالعان. ماتەريالدارى سوتقا جولدانعان.
بۇدان باسقا, مەملەكەتتىك كىرىستەر ورگاندارىنىڭ قىزمەتكەرلەرى 3 سالىق تولەۋشىنى اكىمشىلىك جاۋاپكەرشىلىككە تارتقان:
- 1 سالىق تولەۋشى كاسىپكەرلىك قىزمەتپەن اينالىسقانى, سونداي-اق ءتيىستى تىركەۋسىز, رۇقساتسىز نەمەسە حابارلاما جىبەرۋسىز ارەكەتتەردى جۇزەگە اسىرعانى ءۇشىن;
- تاۋاردىڭ باعاسىن تومەندەتىپ كورسەتىپ, اتالعان تاۋاردى «التىن وردا» بازارىنىڭ اۋماعىندا وتكىزگەن 2 تۇلعا اكىمشىلىك جاۋاپكەرشىلىككە تارتىلدى.
