وڭىرلىك دەڭگەيدە ۇيىمداستىرىلعان جايدارمانشىلار دوداسىنا جەتى كوماندا قاتىسىپ, جۇلدەلى ورىنداردى ساراپقا سالدى. كوماندالاردىڭ ونەرىنە ءازىل الەمىندە ءوز ورنىن قالىپتاستىرعان ماماندار تورەلىك ەتىپ, لايىقتى باعاسىن بەردى.
اشىق اسپان استىندا وتكەن ءىس-شارادا وتكىر ازىلدەرىمەن دارالانعان «پرەستيج» كومانداسى جەڭىمپاز اتانسا, ء«ادىبي جىگىتتەر» كومانداسىنا جۇلدەلى ەكىنشى ورىن بۇيىردى. «داۆمير» كومانداسى ۇزدىك ۇشتىكتى قورىتىندىلاسا, ارۋلاردان قۇرالعان «ويۋ» كومانداسى «كورەرمەن كوزايىمى» اتالىمىنا لايىق دەپ تانىلدى.
«انىعىندا «جايدارمان» تەك ءازىل ايتۋ عانا ەمەس, جاستاردى مادەنيەتكە باۋليتىن تاماشا ويىن ەكەنى راس. الايدا سوڭعى 3 جىلدا جاستار قوزعالىسىنىڭ جۇمىس قارقىنى باسەڭدەپ قالعان بولاتىن. بيىلدان باستاپ وبلىس بويىنشا «جايدارمان» ويىنىنا جەرگىلىكتى بيۋدجەتتەن بولىنگەن قارجى 5 ەسە ارتىپ وتىر.
جۇرگىزىلگەن جۇمىستاردىڭ ناتيجەسىندە «جۋالى», «مەديۋم» كوماندالارى رەسپۋبليكالىق جوعارى ليگاعا, «پرەستيج» جايدارمان توبى رەسپۋبليكالىق اشىق ليگاعا جولداما السا, 6 كوماندامىز رەسپۋبليكالىق «نوماد» ليگاسىندا باق سىناماق. قىسقاسى, اتالعان ويىنعا قىزىققان جاستارعا جان-جاقتى قولداۋ كورسەتىلىپ جاتىر», دەيدى وبلىس اكىمدىگى جاستار ساياساتى ماسەلەلەرى باسقارماسىنىڭ باسشىسى جومارت زۇلپىحار.
تاراز
