ەكى جاس ساناتىندا سايىسقا تۇسكەن ەرلەر مەن ايەلدەر 10,1 جانە 5 شاقىرىم قاشىقتىققا جۇگىرىپ, ءوزارا كىم مىقتىنى انىقتادى. ەرەسەكتەر اراسىندا 10,1 شاقىرىم قاشىقتىق بەكەرگە تاڭدالىپ وتىرعان جوق. ول داڭقتى باتىردىڭ 101 جىلدىعىنا ورايلاستىرىلىپ تاڭدالعان.
ءىس-شارا «اتامنىڭ اماناتى» قوعامدىق بىرلەستىگىنىڭ باستاماسىمەن قورعانىس مينيسترلىگى, ۇلتتىق ۇلان جانە ەلوردا اكىمدىگىنىڭ قولداۋىمەن ۇيىمداستىرىلدى. ءىس-شاراعا 700-دەن استام ادام قاتىستى. سايىسكەرلەر قاتارىندا اقمولا گارنيزونىنىڭ, شەكارا قىزمەتىنىڭ, ۇلتتىق ۇلاننىڭ اسكەري قىزمەتشىلەرى, قارۋلى كۇشتەردىڭ ارداگەرلەرى, كاسىبي سپورتشىلار مەن سپورتسۇيەر قاۋىم بار ەكەنىن ايتا كەتەيىك.
جارىس باستالماس بۇرىن اۋە قورعانىسى كۇشتەرىنىڭ باس قولباسشىسى, اۆياتسيا گەنەرال-مايورى داۋرەن قوسانوۆ ءسوز سويلەپ, جارىسقا قاتىسۋشىلارعا ساتتىلىك تىلەدى.
– اۆياتسيا گەنەرال-مايورى تالعات بيگەلدينوۆ – كەيىنگى ۇرپاققا ۇلگى بولار ەرەن تۇلعا. ءبىزدىڭ كۋرسانتتار 22 جاسىندا تەك ينستيتۋتتى اياقتاپ جاتادى, ال ول وسى جاستا كەڭەس وداعىنىڭ باتىرى اتاندى. مايداندا 300-دەن اسا كوككە كوتەرىلىپ, جاۋدىڭ 7 ۇشاعىن اتىپ ءتۇسىردى. ونىڭ ءومىرى – باتىلدىقتىڭ, تاباندىلىقتىڭ جانە وتانعا جانقيارلىقپەن قىزمەت ەتۋدىڭ ۇلگىسى, – دەپ اتاپ ءوتتى د.قوسانوۆ.
جارىس الدىندا قورعانىس مينيسترلىگى, قارۋلى كۇشتەر, شەكارا قىزمەتى مەن ۇلتتىق ۇلاننىڭ قۇرىلىمدىق بولىمشەلەرىنىڭ اتىنان قاتىسقان اسكەري قىزمەتشىلەر جۇگىردى. 18-49 جاس ارالىعىنداعى ەرلەر ىشىنەن 10,1 شاقىرىم قاشىقتىققا جۇگىرگەن ءالىمجان بالتابەك ءبىرىنشى, دامير ءابدىراحمانوۆ ەكىنشى, سۇلتان بازارباەۆ ءۇشىنشى ورىندى يەلەندى. وسى جاس ساناتىنداعى ايەلدەر اراسىندا جاننا ءالجانوۆا ۇزدىك دەپ تانىلسا, اليسا كرافت جانە الەنا اقىمبەكوۆا ۇشتىككە ءىلىندى.
50 جاستان اسقان ەرلەر اراسىندا رينات ساليكجانوۆ ءبىرىنشى ورىن السا, لورەنس روسسوۆ ەكىنشى, ارسان جۇزەنوۆ ءۇشىنشى ورىندى قانجىعالارىنا بايلادى. 50 جاستان اسقان ايەلدەر اراسىندا سونيا ۆەكستەين جەڭىمپاز اتاندى.
18-49 جاس ارالىعىنداعى ەرلەر سىنىندا 5 شاقىرىم قاشىقتىققا جۇگىرگەن داۋلەت سادۋاقاسوۆ مارە سىزىعىن ءبىرىنشى بولىپ كەستى. ودان كەيىن ارحات قالدىبەك, ءۇشىنشى بولىپ بەيبىت احمۋروۆ مارەگە جەتتى. وسىنداي ساناتتاعى ايەلدەر اراسىندا دينا جاكەنوۆا جەڭىسكە جەتسە, ەكىنشى ورىنعا ءمادينا بەرقاليەۆا, ال ءۇشىنشى ورىنعا لۋنارا بەكەەۆا تابان تىرەدى.
ەلۋ جاستان اسقان ەرلەر اراسىندا ەلەۋسىز پارداباي جەڭىسكە جەتتى. ەكىنشى ورىندى ساكەن گۋباشەۆ, ءۇشىنشى ورىندى اباي تاسبولاتوۆ يەلەندى. 50-دەن اسقان ايەلدەر اراسىندا گۇلميرا تۇرلىحانوۆا جەڭىس تۇعىرىنان كورىندى.
جارىستىڭ بارلىق قاتىسۋشىسىنا ميليتاري ۇلگىسىندەگى فۋتبولكالار مەن اتى اڭىزعا اينالعان ۇشقىش باسقارعان شابۋىلداۋشى ۇشاق تۇرىندەگى مەدالدار تاپسىرىلدى.
