فوتو: استانا قالاسى اكىمدىگىنىڭ ءباسپاسوز قىزمەتى
عيماراتتاردىڭ قاسبەتىنەن ديزاين كودقا سايكەس كەلمەيتىن جارنامالىق بەلگىلەر مەن باننەرلەر الىنىپ تاستالادى. ەلوردا تۇرعىندارىنىڭ كوزقاراسىنشا, قالانىڭ سىرت كەلبەتىن رەتتەۋ وتە ماڭىزدى, سەبەبى بۇل ءىس-شارالار استانانى قۇلپىرتادى ءارى زاماناۋي ەتەدى.
ايتا كەتەلىك, بەس اۋدان اكىمدىگىنىڭ قىزمەتكەرلەرى زاڭسىز جانە سايكەس كەلمەيتىن جارنامانىڭ ديزاين كودىن ءتۇسىندىرۋ جانە الىپ تاستاۋ بويىنشا كوشپەلى ءىس-شارالار وتكىزەدى. كاسىپكەرلەرمەن ءتيىستى اڭگىمەلەر جۇرگىزىلەدى, ديزاين كودقا سايكەس كەلمەيتىن ماڭدايشالاردى اۋىستىرۋ قاجەتتىلىگى تۋرالى بۋكلەتتەر بەرىلەدى.
ەسكە سالايىق, وسى جىلدىڭ قاڭتار ايىندا استانانى دامىتۋ ماسەلەلەرى جونىندەگى كەڭەستە پرەزيدەنت قاسىم-جومارت توقاەۆ كوشە جارناماسىن ورنالاستىرۋعا قويىلاتىن تالاپتاردىڭ ساقتالۋىن باقىلاۋدى كۇشەيتۋدى تاپسىرعان ەدى.
