فوتو: ەڭبەك جانە حالىقتى الەۋمەتتىك قورعاۋ مينيسترلىگى
كوميسسيانى توتەنشە جاعدايلار مينيسترلىگى ونەركاسىپتىك قاۋىپسىزدىك كوميتەتى توراعاسىنىڭ ورىنباسارى مۇسا تاناباەۆ باسقارادى. كوميسسيانىڭ قۇرامىنا قاراعاندى وبلىسى اكىمىنىڭ ءبىرىنشى ورىنباسارى ۆاديم باسين, تجم ونەركاسىپتىك قاۋىپسىزدىك كوميتەتىنىڭ قاراعاندى وبلىسى بويىنشا دەپارتامەنتى باسشىسىنىڭ ورىنباسارى ارمان ابىلقاسىموۆ, قاراعاندى وبلىسى ەڭبەك ينسپەكتسياسى جونىندەگى باسقارماسى باسشىسىنىڭ ورىنباسارى ساياش احمەتوۆ, قاراعاندى وبلىسى دەنساۋلىق ساقتاۋ باسقارماسى باسشىسىنىڭ ورىنباسارى قانات ابزاليەۆ, قاراعاندى وبلىسى جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسىنىڭ ورىنباسارى تولەۋ مۇحتار جانە باسقالار كىردى.
ەسكە سالايىق, 17 تامىزدا ساعات 10.05-تە قاراعاندى وبلىسى شاحتينسك قالاسىندا, «ارسەلورميتتال تەمىرتاۋ» اق كومىر دەپارتامەنتىنىڭ «قازاقستان» شاحتاسىندا د6 كومىر ەڭىسىن (گوريزونت – 170 م) قازۋ كەزىندە كونۆەيەر لەنتاسى جانىپ, اپاتتى جويۋ جوسپارى ەنگىزىلدى.
شاحتادا بارلىعى 227 ادام بولدى, 17 تامىزدا 222 جۇمىسكەر جەر بەتىنە شىعارىلعان.
قۇتقارۋ وپەراتسياسىنىڭ قورىتىندىسى بويىنشا 17-19 تامىز ارالىعىندا 5 ادامنىڭ دەنەسى تابىلعان:
- سليۋنكوۆ ۆيتالي ۆلاديميروۆيچ 05.03.1965 جىلى تۋعان, 17.08.2023 ج.;
- بۋرگۋن ۆيكتور سەرگەەۆيچ 12.09.1966 جىلى تۋعان, 18.08.2023 ج.;
- ستەشين دەنيس گەننادەۆيچ 13.08.1978 جىلى تۋعان, 18.08.2023 ج.;
- حاليكوۆ ارتۋر ريناتوۆيچ, 1994 جىلى تۋعان, 19.08.2023 ج.;
- ستاروۆويت يليا الەكساندروۆيچ, 1996 جىلى تۋعان, 19.08.2023 ج.
اۋرۋحانادا 11 ادام ەمدەلىپ جاتىر. اپاتتىق شاحتاداعى ءورت سالدارىن تولىق جويۋ بويىنشا جۇمىستار ءالى دە جالعاسادى. قازا تاپقانداردىڭ وتباسىلارىنا ءتيىستى كومەك كورسەتۋ ماسەلەلەرى باقىلاۋعا الىندى.
