فوتو: iz.ru
قۇجاتقا سايكەس, قاراجات تابيعي جانە تەحنوگەندىك سيپاتتاعى توتەنشە جاعدايلاردى جويۋعا قاتىساتىن توتەنشە جاعدايلار مينيسترلىگىنىڭ اۋە كەمەلەرىنە 5 سۋ شاشۋ قۇرىلعىسىن جانە 71 ۇشقىشسىز ۇشۋ اپپاراتىن ساتىپ الۋعا باعىتتالادى.
بۇگىنگى تاڭدا تجم قاراماعىندا 27 ۇشقىشسىز ۇشۋ اپپاراتى بار. الايدا بيىلعى جىلى ورىن العان ورتتەر مەن باسقا دا توتەنشە جاعدايلار ولاردىڭ سانىنىڭ جەتكىلىكسىز ەكەنىن كورسەتىپ وتىر.
سونىمەن قاتار قازىرگى ۋاقىتتا اشىق سۋ قويمالارىنان سۋ الىپ, تابيعي ءورت وشاقتارىنا اۋە ارقىلى جەتكىزۋ ءۇشىن 12 سۋ شاشاتىن قۇرىلعى بار. تجم اۆياتسيالىق پاركى كوپفۋنكتسيالى 34 اۋە كەمەسىنەن تۇرادى.
وسىلايشا, جاڭا دروندار مەن سۋ شاشۋ قۇرىلعىلارىن ساتىپ الۋ تابيعي جانە تەحنوگەندىك سيپاتتاعى توتەنشە جاعدايلار كەزىندە ءتيىستى بولىمشەلەردىڭ تيىمدىلىگىن ارتتىرۋعا مۇمكىندىك بەرەدى.
ەسكە سالايىق, جىل سايىن ەلىمىزدە 1 مىڭعا جۋىق ورمان جانە دالا ءورتى, سونداي-اق 4 مىڭعا جۋىق تابيعي ءورت تىركەلەدى.
