فوتو: ۇكىمەتتىڭ ءباسپاسوز قىزمەتى
كەزدەسۋ بارىسىندا ۇكىمەت باسشىسى قازا تاپقان كەنشىلەر وتباسىلارىنىڭ قايعىلارىنا ورتاقتاسىپ, كوڭىل ايتتى.
«سىزدەردىڭ ورنى تولماس قايعىلارىڭىزعا ورتاقپىز», دەدى ءاليحان سمايىلوۆ.
ۇكىمەت باسشىسى مەملەكەت باسشىسىنىڭ تاپسىرماسى بويىنشا شاحتاداعى اپاتتىڭ سەبەپتەرىن ەگجەي-تەگجەيلى زەرتتەيتىن ارنايى كوميسسيا قۇرىلعانىن اتاپ ءوتتى.
«جاۋاپتى تۇلعالاردىڭ بارلىعى ءتيىستى تۇردە جازالانادى. وتكەن جىلى دا وسىنداي جاعداي بولعان. ول كەزدە باسشىلىق بارلىق قاجەتتى شارانى قابىلداپ, ەڭبەك قاۋىپسىزدىگىن قامتاماسىز ەتۋگە, ينۆەستيتسيا سالۋعا ۋادە بەرگەن ەدى. بىراق, كورىپ وتىرعانىمىزداي, قايعىلى وقيعا قايتالانىپ وتىر, قاجەتتى كولەمدە قاراجات بولىنبەۋدە. سوندىقتان قازىر بۇل كومپانيانىڭ يەسى بويىنشا قانداي شارا قابىلدانادى دەگەن سۇراق قويىلدى. وتكەن قايعىلى وقيعالار بويىنشا تەرگەۋ جۇمىستارى اياقتالۋ ۇستىندە. قىركۇيەك ايىندا ماتەريالدار سوتقا جىبەرىلىپ, كىنالىلەر, ونىڭ ىشىندە كومپانيانىڭ توپ-مەنەدجمەنتى جاۋاپقا تارتىلادى دەپ كۇتىلۋدە. مۇنىڭ سوڭىنا جەتەتىنىمىز انىق», دەدى پرەمەر-مينيستر.
كەزدەسۋ بارىسىندا قازا تاپقانداردىڭ بارلىعىنىڭ وتباسىنا مەملەكەت پەن جۇمىس بەرۋشى قاجەتتى قولداۋ كورسەتەتىنى اتاپ ءوتىلدى. اتاپ ايتقاندا, رەسپۋبليكالىق بيۋدجەتتەن اسىراۋشىسىنان ايىرىلۋ جاعدايى بويىنشا بەرىلەتىن جاردەماقى جانە مەملەكەتتىك الەۋمەتتىك ساقتاندىرۋ قورىنان الەۋمەتتىك تولەم قاراستىرىلعان.
سونىمەن قاتار قازا تاپقانداردىڭ وتباسىنا جۇمىس بەرۋشى كەنشىلەردىڭ جىلدىق جالاقىسىنىڭ 10 ەسەلەنگەن مولشەرىندە مورالدىق زيان ءۇشىن بىرجولعى وتەماقى تولەپ, سونداي-اق جەرلەۋ جانە ەسكە الۋ شارالارىن وتكىزۋ شىعىندارىن وتەيتىن بولادى.
تۇرعىن ءۇي بولماعان جاعدايدا قاراعاندى وبلىسىندا پاتەر بەرىلەدى, سونداي-اق بالالاردى جوعارى وقۋ ورنىندا تەگىن وقىتۋ قامتاماسىز ەتىلەدى. سونىمەن قاتار كومپانيا وتباسى مۇشەلەرىن جۇمىسقا ورنالاستىرۋ جانە يپوتەكالىق نەسيەلەردى وتەۋ بويىنشا شارالار قابىلدايدى.
وسى مىندەتتەمەلەردىڭ بارلىعىن ورىنداۋ «ارسەلورميتتال تەمىرتاۋ» اق مەنشىك يەسى اۋىسقان جاعدايدا دا جالعاساتىنى بەلگىلەندى.
پرەمەر-مينيستر اتاپ وتكەندەي, قازىرگى ۋاقىتتا «ارسەلورميتتال تەمىرتاۋدا» حالىقارالىق كومپانيالاردى تارتا وتىرىپ, ەكولوگيالىق اۋديت جانە ونەركاسىپتىك قاۋىپسىزدىك ءاۋديتى اياقتالۋدا. ولار قىركۇيەك ايىندا اياقتالادى دەپ كۇتىلۋدە, ناتيجەسىندە ءتيىستى شەشىمدەر قابىلدانادى.
كەزدەسۋ بارىسىندا كەنشىلەر ءۇشىن زەينەتكەرلىك جاستى تومەندەتۋ ماسەلەسى كوتەرىلدى. ءاليحان سمايىلوۆ قازىرگى ۋاقىتتا شاحتەرلەرگە ەرتەرەك – 55 جاستان باستاپ زەينەتكە شىعۋعا مۇمكىندىك بەرەتىن زاڭنامالىق وزگەرىستەر ەنگىزىلىپ جاتقانىن ايتتى.
سونداي-اق پرەمەر-مينيستر قاراعاندىداعى پروفەسسور ح.ج. ماقاجانوۆ اتىنداعى كوپسالالى اۋرۋحاناسىنداعى زارداپ شەككەن كەنشىلەرگە باردى.
كاسىپورىن شاحتەرلەرگە ەڭبەككە جارامسىزدىق كەزەڭىندە ورتاشا ەڭبەكاقىنىڭ 100% مولشەرىندە تولەم جۇرگىزەتىنى, دارىلىك زاتتاردى تولەيتىنى, ساناتوري-كۋرورتتىق ەم بەرىلەتىنى جانە مورالدىق زيان وتەلەتىنى اتاپ ءوتىلدى.
«تەزىرەك ساۋىعىپ, وتباسىلارىڭىزعا ورالىڭىزدار», دەدى ءاليحان سمايىلوۆ.
