فوتو: اشىق دەرەككوز
ۆەدومستۆو باسشىسىنىڭ سوزىنشە, مينيسترلىككە قاراستى قازاقستاندىق قوعامدىق دامۋ ينستيتۋتىنىڭ وتباسىنداعى زورلىق-زومبىلىقتىڭ الدىن-الۋ جونىندەگى 2023 جىلعى وتكىزىلگەن جاپپاي ساۋالناماسىنىڭ ناتيجەسىندە وتباسىنداعى زورلىق-زومبىلىقتىڭ سالدارى رەتىندە ءبىرىنشى ورىندا جامان ادەتتەر (الكوگوليزم, ناشاقورلىق, ويىندارعا قۇمارلىق) تۇرعانىن اتاپ وتۋگە بولادى. رەسپوندەتتەردىڭ جارتىسىنان كوبى وسىنداي جاۋاپتى تاڭداعان (55,3%).
«سوندىقتان كۇردەلى ماسەلەلەر ءبىر-بىرىمەن جەڭ ۇشىنان جالعاسىپ جاتىر جانە ونى مينيسترلىك تە جان-جاقتى زەردەلەپ, ءوز قۇزىرەتى بويىنشا ءتيىستى شارا قابىلداپ كەلەدى», دەدى مينيستر.
اتاپ ايتقاندا, 2023 جىلى اقپارات جانە قوعامدىق دامۋ مينيسترلىگىندە حاراسسمەنتتەن قورعاۋ جونىندە ارنايى بۇيرىق شىعارىلدى.
دوڭگەلەك ۇستەلدە مينيسترلىك ققدي دايىنداعان «بالالارعا قاتىستى زورلىق-زومبىلىقتىڭ الدىن-الۋ جونىندەگى نۇسقاۋلىقتى» ۇسىندى. نۇسقاۋلىق ستاتيستيكالىق دەرەكتەردى, قىلمىسكەردىڭ كەلبەتىن, اتا-اناعا كەڭەستەر مەن كورشى, تۋىس پەن كۋاگەرگە دەگەن ۇسىنىستى قوسا العاندا, وسى سالاعا بايلانىستى نەگىزگى اسپەكتىلەردى قامتيدى.
دارحان قىدىرالى بيىل قوعامدىق دامۋ ينستيتۋتىنىڭ ساراپشىلارى «بالالار ماسەلەسىن باق-تا قالاي قاۋىپسىز جاريالاۋعا بولادى؟» دەگەن تاقىرىپتا پراكتيكالىق نۇسقاۋلىقتى جاريالاعانىن ايتتى. بۇل – بالالار تاقىرىبى تۋرالى جازاتىن مەديا ماماندارعا تاپتىرماس مەتوديكالىق قۇرال.
ودان بولەك تۇركىستانداعى جيىنعا Qazaqstan ۇلتتىق ارناسى تۇسىرگەن دەرەكتى فيلم كورسەتىلدى. فيلمدە بالالار اراسىنداعى زورلىق-زومبىلىق پروبلەماسىنا بەي-جاي قارامايتىن, تاجىريبەلى مامانداردىڭ پىكىرى بەرىلگەن.
«قوعامداعى زورلىق-زومبىلىققا قاتىستى الاڭداۋشىلىقتى نەگىزگە الا وتىرىپ, ونىڭ الدىن الۋ جانە قارسى مادەنيەتتى قالىپتاستىرۋ ماقساتىندا «زورلىق-زومبىلىققا قارسى 30 كۇن» اتتى اكتسيا وتكىزۋدى جوسپارلاپ وتىرمىز. وعان دا بارشاڭىزدى بىرلەسە اتسالىسۋعا شاقىرامىن», دەدى دارحان قىدىرالى.
