اگەنتتىك توراعاسىنىڭ ايتۋىنشا, ءۇشىنشى ىرىكتەۋدىڭ ەرەكشەلىگى مەملەكەتتىك اپپاراتتىڭ سالالىق كادرلارعا قاجەتتىلىگىن ەسكەرە وتىرىپ, ماقساتتى ىرىكتەۋ جۇرگىزۋ بولماق. وسىلايشا, كەزەكتى ىرىكتەۋ ينفراقۇرىلىمدى, ونەركاسىپتى دامىتۋ جانە ساۋدا ساياساتى, اگروونەركاسىپتىك كەشەن جانە قورشاعان ورتانى قورعاۋ, سىرتقى ساياسات جانە ينۆەستيتسيالار, ەكونوميكالىق جانە قارجىلىق ساياسات, تسيفرلاندىرۋ جانە الەۋمەتتىك ساياسات جانە ازاماتتىق قوعام سەكىلدى 6 نەگىزگى سالا بويىنشا جۇرگىزىلەدى. وسىعان وراي بيىل ۇمىتكەرلەرمەن اڭگىمەلەسۋ مىندەتتى تۇردە سالالىق ورتالىق ورگاندار وكىلدەرىنىڭ قاتىسۋىمەن وتكىزىلەدى.
تالاپتارعا سايكەس, ىرىكتەۋگە جاسى 35-تەن اسپاعان, جوعارى ءبىلىمى جانە 5 جىل جالپى جۇمىس تاجىريبەسى بار, مەملەكەتتىك ءتىلدى ۆ1 دەڭگەيىنەن تومەن ەمەس مەڭگەرگەن قازاقستان رەسپۋبليكاسىنىڭ ازاماتى قاتىسا الادى.
پرەزيدەنتتىك جاستار كادر رەزەرۆىنىڭ مۇشەسى بولۋ ءۇشىن ۇمىتكەرلەر 6 كەزەڭنەن تۇراتىن كەشەندى ىرىكتەۋدەن وتۋگە ءتيىس. ءبىرىنشى كەزەڭدە 2023 جىلدىڭ 1-30 قىركۇيەگى ارالىعىندا pkrezerv.gov.kz ارنايى اقپاراتتىق جۇيەسىندە جانە ونلاين رەجىمدە كانديداتتاردىڭ قۇجاتتاردى قابىلدانادى. ىرىكتەۋ وبەكتيۆتىلىگىن قامتاماسىز ەتۋ ءۇشىن كانديداتتاردىڭ دەرەكتەرى جەكە ءنومىر بەرۋ ارقىلى جاسىرىلادى. وسىلايشا, باعالاۋشىلار ۇمىتكەردىڭ كىم ەكەندىگىن بىلمەيدى.
ەكىنشى كەزەڭدە كانديداتتاردىڭ ماتىندىك جانە ساندىق اقپاراتپەن جۇمىس ىستەۋ قابىلەتى باعالانادى. مقىا باسشىسى اتاپ وتكەندەي, تەستىلەۋ پروتسەسى اۋديو-بەينە تاسپاعا جازىلىپ, پروكتورينگ جۇيەسىمەن قاداعالانادى. ءۇشىنشى كەزەڭدە سيتۋاتسيالىق تاپسىرمالار بەرىلەدى. بۇل كەزەڭ ۇمىتكەرلەردىڭ تاڭداعان سالالىق باعىتتارىنا بايلانىستى سيتۋاتسيالىق تاپسىرمالار تۇرىندەگى ناقتى پروبلەمالاردى شەشۋگە دەگەن كوزقاراسى ەسكەرىلەدى. اتالعان كەزەڭ ونلاين-رەجىمدە اۋديو-بەينە جازبامەن سۇيەمەلدەنىپ, ەسسە جازۋ فورماتىندا جۇرگىزىلەدى.
«ورىندالعان تاپسىرمانىڭ شەشىمى قىزمەتتىڭ ءتيىستى باعىتتارى بويىنشا ءبىر ۋاقىتتا ءۇش سالالىق ساراپشىمەن باعالانادى. ساراپشىلار پۋلى اكادەميالىق ورتا مەن بيزنەس قاۋىمداستىق وكىلدەرىن, مەملەكەتتىك قىزمەتشىلەردى قامتيدى», دەدى دارحان جازىقباەۆ.
ءتورتىنشى كەزەڭدە اسسەسسمەنت-ورتالىعى مەن قۇزىرەتتەر بويىنشا سۇحبات وتەدى. اسسەسسمەنت-ورتالىق مەملەكەتتىك باسقارۋ اكادەمياسىنىڭ بازاسىندا وفلاين فورماتتا وتەدى. ول مىنەز-ق ۇلىق ينديكاتورلارى ارقىلى كانديداتتاردىڭ بويىنداعى بەلگىلەنگەن قۇزىرەتتەردى انىقتاۋعا جانە باعالاۋعا باعىتتالعان. كانديداتتاردىڭ مىنەزىن باعالاۋ توپتىق جانە جەكە تاپسىرمالاردان تۇرادى. جالپى قۇزىرەتتەردى كەمىندە 15 سەرتيفيكاتتالعان باعالاۋشى جانە 5 سۋپەرۆيزور باعالايدى.
ال بەسىنشى كەزەڭدە كانديداتتار ساراپشىلىق كوميسسيا مۇشەلەرىمەن اڭگىمەلەسەدى. ونىڭ قۇرامىنا مەملەكەتتىك ورگانداردىڭ باسشىلارى كىرەدى. ناتيجەسىندە, ۇلتتىق كوميسسيا وتىرىسىندا قاراۋعا ۇسىنىلاتىن قاتىسۋشىلاردىڭ ءتىزىمى جاسالادى. التىنشى, سوڭعى كەزەڭدە ۇلتتىق كوميسسيانىڭ وتىرىسى ءوتىپ, پرەزيدەنتتىك جاستار كادر رەزەرۆىنە ۇزدىك 50 كانديدات قابىلدانادى. پجكر تالاپتارىنا سايكەس رەزەرۆكە الىنعان ادامدار زاڭنامادا بەلگىلەنگەن تارتىپپەن مەملەكەتتىك ساياسي لاۋازىمدارعا, «ا» كورپۋسىنىڭ مەملەكەتتىك اكىمشىلىك لاۋازىمدارىنا, «ب» كورپۋسىنىڭ باسشىلىق جانە ا ساناتتار توبىنىڭ لاۋازىمدارىنا تاعايىندالۋى مۇمكىن.
دارحان جازىقباەۆتىڭ ايتۋىنشا, اگەنتتىك ىرىكتەۋدىڭ بارىنشا اشىقتىعى مەن وبەكتيۆتىلىگىن قامتاماسىز ەتۋگە باعىتتالعان. كانديداتتاردى باعالاۋ ناتيجەلەرى ولاردىڭ جەكە كابينەتىندە جانە كەزەڭ قورىتىندىسى pkrezerv.gov.kz سايتىندا جاريالانىپ, بارلىق ازاماتتار ءۇشىن قاتىسۋشىلار تۋرالى اقپارات قولجەتىمدى بولادى.
بريفينگ سوڭىندا مقىا توراعاسى جاستاردى ىرىكتەۋگە بەلسەندى قاتىسۋعا شاقىرىپ, كاسىبي مەملەكەتتىك قىزمەتشىلەردىڭ جاڭا لەگىن قالىپتاستىرۋ ماڭىزدىلىعىنا توقتالدى.
اتاپ وتسەك, 2019 جانە 2021 جىلدارى رەزەرۆكە الىنعان 350 ادامنىڭ 264-ءى مەملەكەتتىك ورگاندار مەن كۆازيمەملەكەتتىك سەكتور ۇيىمدارىندا جۇمىس ىستەيدى, ياعني جالپى ساننىڭ 75%-ى جۇمىسقا ورنالاستىرىلعان. ولاردىڭ 128-ءى ورتالىق مەملەكەتتىك ورگانداردا, 38-ءى جەرگىلىكتى اتقارۋشى ورگانداردا, 57 ادام ۇلتتىق كومپانيالاردا, 41 ادام ادام وزگە دە ۇيىمداردا قىزمەت جاساپ جاتىر. سونداي-اق ولاردىڭ قاتارىندا 31 رەزەرۆشى ساياسي, 6 رەزەرۆشى «ا» كورپۋسىنىڭ لاۋازىمدارىنا تاعايىندالعان, بىرەۋى – پارلامەنت ءماجىلىسىنىڭ, ەكەۋى – ءماسليحاتتىڭ دەپۋتاتى.
