وتكەن جىلدىڭ سوڭىندا ۋنيۆەرسيتەتتىڭ باسقارما توراعاسى-رەكتور اقىلبەك كۇرىشباەۆ وقۋ ورنىنىڭ ۇجىمىمەن كەزدەسۋ بارىسىندا ستۋدەنتتەردى جاتاقحانامەن قامتاماسىز ەتۋ ماسەلەسىنىڭ ۋشىعىپ كەتكەنىن ايتىپ, ورىن تاپشىلىعىن شەشۋگە كوڭىل بولگەن بولاتىن.
وسىعان وراي كەزىندە ەسەپتەن شىعارىلعان ستۋدەنتتىك №6 جاتاقحانا ۋنيۆەرسيتەتتىڭ تۇرعىن ءۇي قورىنا قايتارىلىپ, قازىرگى كەزدە كۇردەلى جوندەۋ جۇمىستارى جۇرگىزىلىپ جاتىر. عيماراتتىڭ سىرتقى عانا ەمەس, ونىڭ ىشكى كەڭىستىگى دە تولىق وزگەرەتىن بولادى. تۇرعىن بولمەلەر, اسۇيلەر مەن دالىزدەر, جۋىناتىن تازالىق ورىندارى جاڭاشا ديزاينمەن ورنەكتەلمەك. ەدەندەر مەن توبەنى اۋىستىرۋ جۇمىستارى جۇرگىزىلىپ, جاڭا ەسىكتەر ورناتىلدى. قىسقا مەرزىمدە سۋمەن جابدىقتاۋ, كارىز جانە جىلىتۋ جۇيەلەرى اۋىستىرىلاتىن بولادى. 1963 جىلى سالىنعان جاتاقحاناعا كۇردەلى جوندەۋ سوڭعى 10 جىلدا العاش رەت جۇرگىزىلىپ وتىر. ۋنيۆەرسيتەت باسشىلىعى بيىل وسىنداي ناقتى جۇمىستاردىڭ ناتيجەسىندە جاتاقحانالاردان ستۋدەنتتەرگە تاعى دا 280 ورىن پايدالانۋعا بەرىلەتىنىن جەتكىزدى.
