تاربيەشىلەردىڭ جالاقىسى وسەدى

بالاباقشاعا قاتىستى تاعى ءبىر ماسە­لە­ – ورىن تاپشىلىعى. وقۋ-اعارتۋ مينيسترلىگى مەكتەپكە دەيىنگى ءبىلىم بەرۋ دەپار­تامەنتىنىڭ ديرەكتورى ناتاليا جۇما­دىلداەۆانىڭ ايتۋىنشا, ەلىمىزدە 11 320 مەكتەپكە دەيىنگى ۇيىم جۇمىس ىستەيدى. وندا 950 مىڭنان استام بالا تاربيەلەنىپ جاتىر. ۇلتتىق جوبانى ىسكە اسىرۋ جوسپارىنا سايكەس, 2025 جىلعا دەيىن 223 مىڭ جاڭا ورىن اشىلادى. بۇل مەكتەپكە دەيىنگى ءبىلىم بەرۋ ۇيىمدارى قاجەتتىلىگىنىڭ 70 پايىزىن جابۋعا مۇمكىندىك بەرەدى.

– جىل باسىنان بەرى 29 620 ورىندىق 307 مەكتەپكە دەيىنگى ۇيىم, ونىڭ ىشىندە 2 818 ورىندىق ءۇش مەملەكەتتىك, 26 802 ورىندىق 304 جەكەمەنشىك ۇيىم اشىلدى. كەيىنگى 5 جىلدا جەكەمەنشىك مەكتەپكە دەيىنگى ۇيىمداردىڭ اشىلۋىنا بايلانىس­تى بالاباقشاعا جولداما الۋ ءتارتىبى ەكى ەسە تومەندەگەنىن اتاپ ءوتۋ ماڭىزدى, – دەدى ن.جۇمادىلداەۆا.

سونىمەن قاتار سىبايلاس جەم­قور­لىق­تىڭ­ الدىن الۋ ءۇشىن بالاباقشا كەزەگىندە تۇر­عانداردىڭ ورىن الۋ جۇيەسىن اشىق ەتۋ دە ماڭىزدى.

– بۇل – وزەكتى ماسەلەلەردىڭ ءبىرى. جاڭا تەتىك­تەر مەكتەپكە دەيىنگى ۇيىمدارعا كەزەك­كە تۇرۋ جانە قابىلداۋ بويىنشا­ مەم­لەكەتتىك قىزمەتتىڭ اشىقتىعىن قام­تا­ماسىز ەتەدى دەپ سانايمىز. بىرىڭعاي دەرە­ك­تەر ءتىزىلىمى قۇرىلادى, سونداي-اق سى­بايلاس جەمقورلىق تاۋەكەلدەرى ازايادى.­ وتبا­سىنىڭ تۇرمىستىق جاعدايىنا بايلا­­نىستى اتا-انالاردىڭ مەكتەپكە دەيىنگى ۇيىمدى تاڭداۋىنىڭ جاڭا ءتاسىلى پىسىق­تا­لىپ جاتىر, – دەدى دەپارتامەنت ديرەكتورى.

بالاباقشالاردىڭ ساندىق كورسەت­كىش­تەرى عانا ەمەس, ساپاسى دا اسا ماڭىزدى. ول بىلىكتى ماماندارعا تىكەلەي بايلانىستى. ەلىمىزدە بالاباقشادا جۇمىس ىستەيتىن 98 مىڭ پەداگوگ بار. ولاردىڭ 65 مىڭى – جوعارى ءبىلىمدى مامان. بۇل رەتتە 21 مىڭنان استام پەداگوگتىڭ بىلىكتىلىگىن ارتتىرۋ كوزدەلگەن. سونىمەن قاتار كەيىنگى ءتورت جىلدا تاربيەشىلەردىڭ جالاقىسى كەزەڭ-كەزەڭىمەن 25 پايىزعا وسكەن. 2023 جىلدىڭ قىركۇيەگىنەن باستاپ جالاقى تاعى 30 پايىزعا وسەدى.

– ءبىلىم بەرۋ ساپاسى مۇعالىمدەردىڭ كاسىبي قۇزىرەتتىلىك دەڭگەيىنە تىكەلەي بايلانىستى. مەملەكەت باسشىسى مەكتەپكە دەيىنگى ۇيىمداردىڭ پەداگوگ مارتەبەسىن, كاسىبي الەۋەتىن جانە جالاقىسىن ارتتىرۋ مىندەتىن العا قويدى. بيىل مەكتەپكە دەيىنگى ۇيىمداردىڭ 21 مىڭنان استام پەداگوگىنىڭ بىلىكتىلىگىن ارتتىرۋ جوسپارلانعان. مەكتەپكە دەيىنگى تاربيە مەن وقىتۋدىڭ ۇزدىك تاجىريبەلەرىن تاراتۋ ءۇشىن 79 ۇيىمنىڭ بازاسىندا تۇراقتى نەگىزدە «قۇزىرەتتىلىك ورتالىقتارى» قۇرىلادى, – دەدى ن.جۇمادىلداەۆا.

مەكتەپكە دەيىنگى ءبىلىم بەرۋ مەكە­مە­سىنىڭ 2023-2024 جىلعى وقۋ جىلىن ۇيىمداستىرۋدا ەرەكشە جاعدايلار دا ەسكەرىلگەن. ماسەلەن, مۇمكىندىگى شەكتەۋلى بالالاردى تاربيەلەۋ جانە وقىتۋ كەزىندە بالانىڭ ءبىلىم الۋ قاجەتتىلىكتەرىنە سايكەس, ۇلگىلىك وقۋ, ارنايى, جەكە/بەيىمدەلگەن ءبىلىم بەرۋ باعدارلامالارى قولدانىلادى. سونى­مەن قاتار وسال وتباسىلاردان شىق­قان بالالارعا بالاباقشاعا تەگىن بارۋ مەن تەگىن تاماقتانۋ مۇمكىندىكتەرى قاراس­تىرىلعان.

– الەۋمەتتىك وسال توپتاعى وتباسى­لاردان شىققان 97 مىڭ بالا مەكتەپكە دەيىنگى ۇيىمدارعا تەگىن بارۋعا مۇمكىندىك الادى. حالىقتىڭ الەۋمەتتىك وسال توپتارىنداعى بالالارعا تەگىن تاماق بەرۋ دە ماڭىزدى. قازىرگى كۇنى وقۋ-اعارتۋ مينيسترلىگى تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىمەن جانە اكىمدىكتەرمەن جاعدايى قيىن وتباسىلاردا تۇراتىن بالالاردى انىقتاۋ بويىنشا بىرىگىپ جۇمىس جۇرگىزىپ جاتىر. سونىمەن قاتار مەكتەپكە دەيىنگى ۇيىمدارعا باراتىن الەۋمەتتىك وسال وتباسىلاردان شىققان بالالاردى تەگىن تاماقتاندىرۋدى قارجىلاندىرۋ تەتىكتەرىن پىسىقتاۋ ۇستىندە, – دەدى ناتاليا جۇمادىلداەۆا.