سپورتپەن شۇعىلداناتىن ەرەكشە قاجەتتىلىكتەرى بار ادامداردىڭ سانى بويىنشا قوستاناي وبلىسى كوش باستاپ تۇر. اتالعان ايماقتا ەرەكشە قاجەتتىلىكتەرى بار 5687 ادام سپورتپەن تۇراقتى تۇردە اينالىسادى ەكەن. ودان كەيىن شىعىس قازاقستان وبلىسى (4997 ادام) جانە استانا قالاسى (4514 ادام) تۇر. ۇزدىك بەستىكتى تۇركىستان (4298 ادام) جانە جامبىل (4 057 ادام) وبلىستارى تۇيىندەدى.
ايتا كەتەلىك, ەڭ قارقىندى ءوسىم ەلوردادا تىركەلدى, 3 جىل ىشىندە ەرەكشە قاجەتتىلىكتەرى بار سپورتپەن شۇعىلدانۋشىلاردىڭ سانى 3232 ادامعا كوبەيگەن. ەكىنشى ورىندا - شقو (+1585 ادام), ءۇشىنشى ورىندا – قوستاناي وبلىسى (+1295 ادام). سونداي-اق جامبىل وبلىسىندا - 668 ادامعا, تۇركىستاندا – 659 ادامعا ارتىپ وتىر.
«ەرەكشە قاجەتتىلىكتەرى بار ادامداردىڭ دەنە شىنىقتىرۋمەن اينالىسۋىنا جاعداي جاساماي, بۇقارالىق سپورتتى دامىتۋ مۇمكىن ەمەس. قازاقستاندا ەرەكشە قاجەتتىلىكتەرى بار ادامدارعا ارنالعان 15 سپورت كلۋبى مەن 3 مەكتەپ, سونداي-اق الماتى وبلىسىندا سپورتتى دامىتۋ ديرەكتسياسى جۇمىس ىستەيدى. ءبىز سپورتتىق ينفراقۇرىلىمدى قولجەتىمدى ەتۋگە نيەتتىمىز. سوندىقتان قازىر ەلىمىزدىڭ بارلىق وڭىرىندە 113 جاڭادان سپورت نىسانىن سالۋ بويىنشا جۇمىس ءجۇرىپ جاتىر», دەدى مادەنيەت جانە سپورت ۆيتسە-ءمينيسترى سارسەن قۇرانبەك.
