ابىل تابىلدى ۇلىنىڭ ايتۋىنشا, بارد جانرى - ءسوزىن, اۋەنىن ءوزى جازىپ, ونى ءوزى ورىنداۋ جانە مىندەتتى تۇردە گيتارا اسپابىمەن سۇيەمەلدەۋ. باردتىڭ ەرەكشەلىگى وسىندا. بارد جانرىنىڭ ەلدىك, قوعامدىق ماسەلەلەردى قوزعاي الاتىن تۇستارى دا بار.
تابىلدى دوسىموۆتىڭ ستۋدەنتتىك شاعى جەلتوقسان وقيعاسى بولعان كەزەڭگە تۇسپا-تۇس كەلگەنى ءمالىم. سول وقيعادان كەيىن اكادەميالىق دەمالىس الىپ, اۋىلعا قايتقان. سول ۋاقىتتا «جەلتوقسان جىرى» دەگەن ءان شىققان. «قازاق ەدىم دەگەنشە» ءانىنىڭ شىعۋىنا دا سەبەپ بولعان وقيعالاردىڭ ءبىرى - جەلتوقسان وقيعاسى. جەلتوقسان تۋرالى كوپتەگەن پوەزيالىق ولەڭدەرى دە بار. سول كەزەڭدە شىققان ءاننىڭ ءبىرى ءھام بىرەگەيى سۆەتقالي نۇرجانوۆتىڭ سوزىنە جازىلعان «سايگ ۇلىك» ءانى.
-«سايگ ۇلىك» ءانى جىلقىعا, تۇلپارعا ارنالعان ەكەن دەپ كوبى قاتەلەسەدى. سۆەتقالي نۇرجان تاۋەلسىزدىگىمىزدى اڭساپ جازعان. اكەمنىڭ جولداستارىنىڭ ايتۋىنشا, «سايگ ۇلىك» ءانى ەسەنعالي راۋشانوۆتىڭ سوزىنە جازىلعان «قارا باۋىر قاسقالداق» ءانى سەكىلدى جەلتوقسان وقيعاسىنىڭ الدىڭعى شەبىندە ورىندالعان ءان ەكەن. دەمەك, ول ۇران بولىپ شىرقالعان اندەردىڭ ءبىرى بولعان», دەدى ابىل دوسىموۆ.
ونىڭ ايتۋىنشا, رەسەيدە بارد جانرىنداعى ءاندى ەستراداعا سالىپ ورىندامايدى, ويتكەنى جانرعا دەگەن قۇرمەت بار.
ء«بىزدىڭ ەلدە بارد جانرىنداعى اندەردى ەستراداعا سالادى, ارينە, ەستراداعا سالۋعا قارسى ەمەسپىز, بىراق اكەمنىڭ اندەرىنىڭ ءستيلى, تابيعاتى جوعالىپ كەتپەسە ەكەن دەيمىز. بۇرىننان ايتىپ ءجۇرمىز, ماقساتىمىز - اكە بولمىسىن جوعالتىپ الماۋ, سول ءۇشىن قىزمەت ەتىپ كەلە جاتىرمىز», دەيدى ابىل تابىلدى ۇلى.
