بيلىك وكىلدەرىنىڭ ويىن مەكەمەسىنە بارۋ فاكتىسى قوعام تاراپىنان نەگىزدەلگەن سىن تۋدىرادى. ولارعا جوعارى تالاپتار قويىلعان, ولار ازاماتتاردىڭ الدىندا مەملەكەتتىك بيلىكتىڭ قادىر-قاسيەتى مەن بەدەلىنە نۇقسان كەلتىرەتىن ارەكەتتەرگە جول بەرمەۋى كەرەك.
«قىزمەتتىك ادەپ نورمالارىنىڭ تالاپتارىن ساقتاۋ شەڭبەرىندە اسكەري قىزمەتشىلەردى, مەملەكەتتىك قىزمەتشىلەردى جانە قۇقىق قورعاۋ ورگاندارىنىڭ, ازاماتتىق قورعاۋ ورگاندارىنىڭ جانە مەملەكەتتىك قىزمەتشىلەردىڭ «ويىن بيزنەسى تۋرالى» زاڭدا كوزدەلگەن ۇيعارىمعا جاتاتىن ويىن مەكەمەسىنە بارۋدان باس تارتۋعا ىنتالاندىرۋعا باعىتتالعان ۇسىنىمدىق سيپاتتاعى نورمالاردى ەنگىزۋ ۇسىنىلادى», دەلىنگەن تۇسىندىرمە جازبادا.
دەسە دە مەملەكەتتىك قىزمەتكەرلەر مەن قۇقىق قورعاۋ ورگاندارىنىڭ قىزمەتكەرلەرى قىزمەتتىك قاجەتتىلىك تۋىنداعان جاعدايدا كازينوعا بارا الادى. ال اسكەري قىزمەتشىلەر ءۇشىن ەرەكشەلىكتەر قاراستىرىلماعان.
جوعارىدا اتالعان جوباعا سايكەس پرەزيدەنتتىڭ ءۇش جارلىعىنا وزگەرىستەر ەنگىزۋ كوزدەلگەن. ولار:
- «قازاقستان رەسپۋبليكاسى قارۋلى كۇشتەرىنىڭ, باسقا دا اسكەرلەرى مەن اسكەري قۇرالىمدارىنىڭ جالپىاسكەري جارعىلارىن بەكىتۋ تۋرالى»;
- «قازاقستان رەسپۋبليكاسى مەملەكەتتىك قىزمەتشىلەرىنىڭ ادەپ نورمالارى مەن مىنەز-ق ۇلىق قاعيدالارىن ودان ءارى جەتىلدىرۋ جونىندەگى شارالار تۋرالى»;
- «قازاقستان رەسپۋبليكاسىنىڭ قۇقىق قورعاۋ ورگاندارى, ازاماتتىق قورعاۋ ورگاندارى جانە مەملەكەتتىك فەلدەگەرلىك قىزمەت قىزمەتكەرلەرىنىڭ ادەپ كودەكسىن بەكىتۋ تۋرالى».
جوبا 28 تامىزعا دەيىن «اشىق نقا» پورتالىندا جاريا تالقىلاۋ ءۇشىن ورنالاستىرىلعان.
كاريما جۇماعالي,
قورقىت اتا اتىنداعى قىزىلوردا ۋنيۆەرسيتەتىنىڭ ستۋدەنتى
