ەكولوگيا جانە تابيعي رەسۋرستار مينيسترلىگى ازىرلەگەن قۇجات «اشىق نقا» پورتالىندا جاريالاندى.
ول ورمان كودەكسىنىڭ 70-بابىنىڭ 1-تارماعىنا جانە پرەزيدەنت قاسىم-جومارت توقاەۆتىڭ اباي وبلىسىنداعى تابيعي ءورتتى جويۋ بويىنشا 2023 جىلعى 11 ماۋسىمداعى جەدەل شتاب وتىرىسىندا بەرگەن تاپسىرماسىنا سايكەس ازىرلەنگەن.
«اقشالاي تولەم قىزمەتتىك مىندەتتەرىن (مەملەكەتتىك ورمان كۇزەتۋ مىندەتتەرىن) اتقارۋ كەزىندە مەرتىگۋى (جاراقاتتانۋى, جارالانۋى, كونتۋزيا الۋى) سالدارىنان قازا تاپقان (قايتىس بولعان) قىزمەتكەردىڭ وتباسى مۇشەلەرىنە جۇرگىزىلەدى. قۇجاتقا سايكەس قىزمەتكەردىڭ, كۋرسانتتىڭ, مەملەكەتتىك ورمان كۇزەتۋ قىزمەتشىسىنىڭ وتباسى مۇشەلەرىنە جۇبايى, سونداي-اق كامەلەتكە تولعانعا دەيىن نەمەسە جالپى ورتا, تەحنيكالىق جانە كاسىپتىك, ورتا بىلىمنەن كەيىنگى ءبىلىم بەرۋ جۇيەسىندە, جوعارى جانە جوعارى وقۋ ورنىنان كەيىنگى ءبىلىم بەرۋ جۇيەسىندە كۇندىزگى وقۋ ورنىن بىتىرگەنگە دەيىن جيىرما ءۇش جاستان اسپايتىن بالالارى, ونىڭ ىشىندە اسىراپ العان بالالارى, بىرگە تۇراتىن وگەي ۇلدارى مەن وگەي قىزدارى جاتادى», دەلىنگەن جوبالىق قۇجاتتا.
