ء«تارتىپ ساقشىلارى حابارلاما تۇسە سالىسىمەن تەز ارادا ارەكەت ەتىپ, وقيعا ورنىنا جەتتى. جاس قىزدى تابۋ ماقساتىندا قاجەتتى بارلىق جەدەل-ىزدەستىرۋ جۇمىستارىن جۇرگىزدى.
اتقارىلعان جۇمىستىڭ ناتيجەسىندە جاس قىز ءبىر تاۋلىككە جەتپەي, شىمكەنت قالاسىنان تابىلدى. ول اتا-اناسىنا تاپسىرىلدى», دەلىنگەن ۆەدومستۆو حابارلاماسىندا.
ءىىم مالىمەتىنشە, 11 تامىز كۇنى تۇركىستان وبلىسى ماقتاارال اۋدانى پوليتسياسىنا جەرگىلىكتى تۇرعىن ارىزداندى. ايەلدىڭ ايتۋىنشا, 9 تامىز كۇنى ونىڭ 19 جاستاعى قىزى ۇيىنە قايتا ورالماعان. بويجەتكەن قىدىرۋ نيەتىمەن ەشكىمگە ايتپاستان مەگاپوليسكە جول تارتقان. ال اناسىنا ۇيالى تەلەفونى بۇزىلىپ قالعاندىقتان حابارلاسا الماعان.
