فوتو: تجم رەسمي سايتى
2015 جىلى 7 شىلدەدە راۋان بىرقۇرمانوۆ وتباسىمەن الماتى وبلىسى قاراساي اۋدانىنا قاراستى يساەۆو اۋىلىنىڭ جانىنداعى توعانعا بارعان كەزىندە اتا-انالارىنىڭ قاراۋىنسىز سۋعا شومىلعان 10-12 جاس مۇعدارىنداعى بالالاردىڭ كەنەتتەن سۋعا باتا باستاعانىن بايقاپ قالادى. راۋان كيىمىمەن كومەككە اسىعىپ, ءبىر ۇل بالا مەن قىز بالانى سۋدان شىعارىپ الدى. ءارى قاراي ول تاعى ەكى بالانى قۇتقارۋعا تىرىسقان. ولارعا قاراي سۇڭگىپ كەتىپ, قايتىپ ورالماعان.
وسى جىلدىڭ 10 تامىزىندا قر توتەنشە جاعدايلار ءمينيسترى الماتى قالاسىنا بارعان جۇمىس ساپارى كەزىندە راۋان بىرقۇرمانوۆتىڭ وتباسىمەن كەزدەسىپ, بالالاردىڭ ءومىرىن قۇتقارۋ كەزىندە كورسەتكەن باتىلدىعى مەن جانقيارلىعى ءۇشىن «سۋعا باتقانداردى قۇتقارعانى ءۇشىن» مەدالىمەن ماراپاتتادى.
