Aqtobe IT-Hub-تىڭ نەگىزگى ميسسياسى – ءىت-ستارتاپتاردى قولداۋ, تسيفرلىق ءبىلىم بەرۋ جانە تەحنولوگيالار ترانسفەرتى, زاماناۋي تەحنولوگيالار سالاسىنداعى تالانتتاردى ىزدەۋ جانە ولاردىڭ الەۋەتىن اشۋ, جالپى ايماقتاعى IT سالاسىن دامىتۋ.
حاب سالا قاتىسۋشىلارى ءۇشىن ءبىرتۇتاس ەكوجۇيەگە جانە ۆەنچۋرلىق ينۆەستورلاردىڭ, ءىرى بيزنەس پەن تەحنولوگيالىق ستارتاپتاردىڭ قاتىسۋىمەن سالالىق فورۋمدار, بيزنەس-دەباتتار, سەمينارلار, ءىس-شارالار وتەتىن الاڭعا اينالادى.
Aqtobe IT Hub رەزيدەنتتەرى جاڭا تسيفرلىق ونىمدەر مەن قىزمەتتەردى, ونىڭ ىشىندە قالا مەن ءىرى ونەركاسىپتىك كومپانيالاردىڭ ماسەلەلەرىن شەشۋگە باعىتتالعان ونىمدەردى جاساۋمەن اينالىسادى. جىل ىشىندە ولار كەم دەگەندە 150 ينكۋباتسيالىق باعدارلاما مەن 75 ستارتاپ جوبانى ىسكە قوسۋدى كوزدەپ وتىر.
ءاليحان سمايىلوۆ تسيفرلىق تەحنولوگيالار سالاسىن دامىتۋ ءۇشىن قر استاناسىندا سالىقتىق پرەفەرەنتسيالاردى قاراستىراتىن جانە بارلىق اكىمشىلىك راسىمدەردى جەڭىلدەتەتىن حالىقارالىق IT-حاب قۇرىلعانىن اتاپ ءوتتى.
«قازىر ناتيجەلەردى كورىپ وتىرمىز. بىلتىرعى جىلدىڭ قورىتىندىسى بويىنشا IT ونىمدەرى مەن قىزمەتتەرى ەسەبىنەن $300 ملن-نان استام ەكسپورت بار. بيىل ول $500 ملن قۇراپ وتىر. ەكى-ءۇش جىلدىڭ ىشىندە $1 ملرد دوللارعا جەتەدى دەپ كۇتىلۋدە. سوندىقتان بۇل تاجىريبەنى تاراتۋ ماڭىزدى. ءبىز قازاقستاندا, ونىڭ ىشىنە اقتوبەنى قوسقاندا, وسىنداي سەگىز ورتالىق اشتىق. بيىلعى جىلدىڭ سوڭىنا دەيىن تاعى التاۋىن ىسكە قوسۋ جوسپارلانىپ وتىر», دەدى ول.
پرەمەر-مينيستر ءاربىر قالادا قالالىق جانە اۋىل جاستارىنىڭ تسيفرلىق تەحنولوگيالاردا ءبىلىم الۋعا جانە قابىلەتتەرىن دامىتۋعا مۇمكىندىك بەرەتىن ءىت-يندۋستريانى دامىتۋ ورتالىعى بولۋى كەرەكتىگىن باسا ايتتى.
«ولار بولاشاقتا ەكونوميكامىزدى تسيفرلاندىرۋدىڭ نەگىزى بولۋى كەرەك. تسيفرلىق تەحنولوگيالارسىز ودان ءارى دامۋ مۇمكىن ەمەس», دەدى ول.
سونداي-اق Aqtobe IT-حابىندا ۇكىمەت باسشىسى مەن ءوڭىردىڭ شىعارماشىل جاستارىنىڭ كەزدەسۋى ءوتتى, ونىڭ بارىسىندا زياتكەرلىك مەنشىك نارىعىنداعى ترەندتەر, سونداي-اق جاستار جوبالارىن قولداۋ شارالارى تالقىلاندى.
پرەمەر-مينيستر رەسپۋبليكادا الداعى 7 جىلعا ارنالعان جاستار ساياساتىنىڭ تۇجىرىمداماسى قابىلدانعانىن, ال زاڭداردا «كرەاتيۆتى يندۋستريا» ۇعىمى بەكىتىلگەنىن جانە ونىڭ قۇرامىنا كىرەتىن قىزمەت تۇرلەرى ايقىندالعانىن ايتا كەتتى.
«وسى باعىتتاردىڭ بارلىعى بويىنشا دارىندى جاستارىمىزدىڭ ءار سالادا قابىلەتتەرىن دامىتۋعا كومەكتەسۋ ءۇشىن مەملەكەتتىك قولداۋ شارالارىن كورسەتەمىز», دەدى ءاليحان سمايىلوۆ.
