الماتى قالاسى اكىمدىگىنىڭ مالىمەتىنشە, اۆتوبۋستار حالىقارالىق قاۋىپسىزدىك ستاندارتتارىنا سايكەس كەلەدى, اۆتوبۋستاردا اۆاريالىق شىعۋ جولى, قاۋىپسىزدىك بەلدىكتەرى, مۇمكىندىگى شەكتەۋلى بالالارعا ارنالعان پاندۋس بار. بالالار مۇعالىمنىڭ قاراۋىمەن جانە بالالاردى تاسىمالداۋ ەرەجەلەرىنە سايكەس تاسىمالدانادى.
«بىرقاتار مەملەكەتتىك مەكتەپتەر 1 قىركۇيەكتەن باستاپ جۇرەتىن مەكتەپ اۆتوبۋستارىمەن قامتىلادى. 20 ورىندىق اۆتوبۋستار جولدارى تار تاۋلارعا قاراي جۇرەدى. مەكتەپتەر باعىتتاردى, بالالاردى الىپ كەتۋ ۋاقىتى مەن ايالدامالار سانىن ازىرلەپ قويعان. 1 بالاعا ءبىر ورىن قاراستىرىلعان, ءبارى وتىرىپ بارادى», دەدى بوستاندىق اۋداندىق ءبىلىم ءبولىمىنىڭ باسشىسى ايگۇل قاسىمبەك.
