اتاپ ايتقاندا, حايۋاناتتار باعى, تسيرك, قۋىرشاق تەاترى, «الاتاۋ» ءداستۇرلى ونەر تەاترى, مەملەكەتتىك مۇراعات, كىتاپحانا, مۋزەيلەر بىرلەستىگى, «الماتى اۋەندەرى» ۇيىمى قىزمەتكەرلەرىنىڭ جالاقىسى وسەدى.
قازىرگى ۋاقىتتا مادەنيەت سالاسى قىزمەتكەرلەرى جالاقىسىنىڭ ورتاشا دەڭگەيى 138 مىڭ تەڭگەنى قۇرايدى.
قالالىق مادەنيەت باسقارماسىنىڭ حابارلاۋىنشا, جالاقىعا بايلانىستى جاس ماماندار جۇمىستان ءجيى كەتەدى جانە بۇل ءوز كەزەگىندە جاس بىلىكتى كادرلاردى تاربيەلەۋدى قيىنداتادى. سوندىقتان الماتى ءماسليحاتىنىڭ قاراۋىنا قالالىق مادەنيەت باسقارماسىنىڭ ۇيىمدارى, كاسىپورىندارى قىزمەتكەرلەرىنىڭ لاۋازىمدىق جالاقىلارىنا ىنتالاندىرۋشى ۇستەمەاقىلار بەلگىلەۋ ماسەلەسى ۇسىنىلدى.
