فوتو: t.me/mangystau_press
12 جاسقا دەيىنگى كىشى توپتا قولا جۇلدەلەردى استانا قالاسىنىڭ رەسپۋبليكالىق فيزيكا-ماتەماتيكا مەكتەبىنەن الانبەك جاينازاروۆ, ءامىر جۇكەنوۆ, ميراس حاسەنوۆ, ايسۇلتان انەتوۆ الدى.
ال 18 جاسقا دەيىنگى ۇلكەن توپتا ەدگار مامەدوۆ, يمانعالي اقىلباي, ءامىر يگەن, زارينا نۇرعاليەۆا, ءاليحان داۋلەت كۇمىس مەدال ەنشىلەدى.
«مەملەكەت باسشىسى قاسىم-جومارت توقاەۆ استانادا شاحماتتان الەم چەمپيوناتىنىڭ اشىلۋىندا «شاحمات – بۇل ادام ساناسىن شىڭدايتىن سپورت» دەگەن بولاتىن. بۇل ينتەللەكتتى دامىتاتىن قىزىقتى ويىن عانا ەمەس, سونىمەن قاتار ادامنىڭ ويلاۋىنا وڭ اسەر ەتەتىن قۇندى قۇرال ىسپەتتەس. وسى سپورت تۇرىمەن اينالىسا وتىرىپ, ءبىزدىڭ ءجاسوسپىرىم بالالارىمىز تاپقىرلىعى مەن شىعارماشىلىعىن شىڭدايدى, سونداي-اق ءوز قاتارىنا ۇلگى بولادى», دەدى ماڭعىستاۋ وبلىسىنىڭ اكىمى نۇرلان نوعاەۆ.
جەڭىمپازداردى ماراپاتتاۋ راسىمىندە قازاقستان شاحمات فەدەراتسياسىنىڭ پرەزيدەنتى تيمۋر تۋرلوۆ بارلىق قاتىسۋشىلارعا شاحماتتىڭ ماڭىزدىلىعىن جانە ونىڭ بۇكىل الەمدە تانىمالدىلىعىن اتاپ ءوتىپ, تابىس تىلەدى.
ەستەرىڭىىزگە سالا كەتەيىك, الەمدە تۇڭعىش رەت World Schools Team Championship وتكەن مەكتەپ الەم چەمپيوناتىن حالىقارالىق جانە قازاقستاندىق شاحمات فەدەراتسياسى ۇيىمداستىردى.
قاراپايىم مەكتەپ وقۋشىلارى, شاحمات اۋەسقويلارى قاتىسقان ەرەكشە چەمپيوناتتا قازاقستاننىڭ اتىنان ەلىمىزدىڭ التى قالاسىنان 10 مەكتەپ قاتىستى.
