«قازگيدرومەت» رمك ۇسىنعان مالىمەتكە قاراعاندا, ەلىمىزدىڭ باسىم بولىگىندە اۋا رايى قۇبىلمالى بولادى, جاڭبىر جاۋادى.
«رەسپۋبليكانىڭ سولتۇستىك-باتىسىندا, سولتۇستىگىندە, شىعىسىندا قاتتى جاڭبىر, بۇرشاق جاۋىپ, كۇن كۇركىرەپ, داۋىل تۇرۋى مۇمكىن. قازاقستاننىڭ باتىسىندا, وڭتۇستىك-باتىسىندا, سولتۇستىك-شىعىسىندا اۋا رايى جاۋىن-شاشىنسىز بولادى», دەلىنگەن سينوپتيكتەر بولجامىندا.
ودان بولەك ەل اۋماعىندا ەكپىندى جەل سوعادى دەپ بولجاندى. ال باتىستا تاڭەرتەڭ تۇمان كۇتىلەدى.
استانادا كوشپەلى بۇلت شىعادى, جاۋىن-شاشىنسىز. شىعىستان سوعاتىن جەلدىڭ ەكپىنى - 7-12 م/س. اۋا تەمپەراتۋراسى تۇندە +16+18°س, كۇندىز +29+31°س.
الماتىدا كوشپەلى بۇلت شىعادى, جاۋىن-شاشىنسىز. سولتۇستىك-باتىستان 3-8 م/س جەل سوعادى. اۋا تەمپەراتۋراسى تۇندە +17+19°س, كۇندىز +31+33°س.
شىمكەنتتە كوشپەلى بۇلت شىعادى, جاۋىن-شاشىنسىز. وڭتۇستىك-باتىستان, باتىستان 8-13 م/س جەل سوعادى. اۋا تەمپەراتۋراسى تۇندە +20+22°س, كۇندىز +33+35°س.
