سينوپتيكتەر تاراتقان دەرەكتەرگە قاراعاندا, ءالى دە اتموسفەرالىق فرونتالدى بولىكتەردىڭ وتۋىنە بايلانىستى قازاقستاننىڭ باسىم بولىگىندە كۇن قۇبىلىپ تۇرادى. ەلدىڭ باسىم بولىگىندە جاڭبىر جاۋىپ, نايزاعاي وينايدى. تەك قازاقستاننىڭ باتىسىندا عانا كۇن جاۋىن-شاشىنسىز بولادى.
رەسپۋبليكا بويىنشا جەل كۇشەيەدى, وڭتۇستىكتە جەلدىڭ سوڭى شاڭدى داۋىلعا ۇلاسادى. قازاقستاننىڭ سولتۇستىگىندە تۇندە جانە تاڭەرتەڭ تۇمان تۇسەدى, كۇندىز ەلىمىزدىڭ سولتۇستىگىندە, ورتالىعىندا بۇرشاق جاۋى مۇمكىن.
كۇندىز الماتى, اتىراۋ, باتىس قازاقستان, جەتىسۋ وبلىستارىندا, اقتوبە وبلىسىنىڭ وڭتۇستىگىندە, باتىسىندا 35-39°س اپتاپ ىستىق, ماڭعىستاۋ وبلىسىنىڭ وڭتۇستىگىندە, سولتۇستىك-باتىسىندا 38-41°س قاتتى ىستىق ساقتالادى.
كۇندىز جەتىسۋ وبلىسىنىڭ وڭتۇستىگىندە, الماتى وبلىسىنىڭ شىعىسىندا, ورتالىعىندا 40-42°س وتە قاتتى ىستىق بولۋى ىقتيمال.
اقمولا, اتىراۋ وبلىستارىندا, باتىس قازاقستان وبلىستارىندا, سولتۇستىك قازاقستان وبلىسىنىڭ باتىسىندا, شىعىسىندا جوعارى ءورت قاۋىپى ساقاتالادى, پاۆلودار وبلىسىنىڭ وڭتۇستىگىندە, شىعىسىندا جوعارى ءورت قاۋىپى كۇتىلەدى.
ماڭعىستاۋ, تۇركىستان, الماتى, جامبىل, قىزىلوردا, شىعىس قازاقستان, قاراعاندى, ۇلىتاۋ, جەتىسۋ, اباي وبلىستارىندا, قوستاناي وبلىسىنىڭ وڭتۇستىگىندە, اقتوبە وبلىسىنىڭ ورتالىعىندا جانە وڭتۇستىگىندە, اتىراۋ وبلىسىنىڭ باتىسىندا, شىعىسىندا, اقمولا وبلىسىنىڭ وڭتۇستىگىندە, باتىسىندا توتەنشە ءورت قاۋىپى ساقتالادى.
