«الماتى سۋ» دەرەكتەرى نەگىزىندە 3 تامىز كۇنگى ساعات 11:00-دەگى جاعداي بويىنشا مەدەۋ اۋدانىنىڭ وڭتۇستىك بولىگى سۋمەن جابدىقتاۋ تولىق قالپىنا كەلتىرىلدى. بۇعان تاۋلى وزەندەردەگى سۋ دەڭگەيىنىڭ تۇراقتانۋى جانە سۋدىڭ لاستانۋ دەڭگەيىنىڭ تومەندەۋى ىقپال ەتتى.
«الماتى سۋ» مكك ساعات سايىن سۋدىڭ ساپاسىنا باقىلاۋ جۇرگىزەدى. زەرتحانالىق تالداۋلار كىشى الماتى وزەنىندەگى سۋدىڭ لايلانۋ كورسەتكىشتەرىنىڭ تومەندەگەنىن كورسەتەدى, بۇل سۋدى ۇزدىكسىز الۋدى جۇزەگە اسىرۋعا جانە ونى ۇيلەرگە جەتكىزەر الدىندا ودان ءارى تازارتۋعا مۇمكىندىك بەردى. باستاپقى وزەن سۋىنىڭ ساپاسىنا اسەر ەتەتىن قولايلى اۋا رايى ساقتالعان جاعدايدا سۋمەن جابدىقتاۋ ءۇزىلىسسىز جۇزەگە اسىرىلاتىن بولادى», دەپ حابارلادى اكىمدىك وكىلدەرى.
اكىمدىكتىڭ مالىمەتىنە سۇيەنسەك, سۋ بەرۋدى ماجبۇرلەپ شەكتەۋدىڭ ءبىر سەبەبى – مەدەۋ اۋدانىنىڭ جوعارعى بولىگى جەر ءۇستى سۋ كوزدەرى ايماعىندا ورنالاسۋى.
«سوندىقتان الماتى اكىمى ەربولات دوساەۆ مەدەۋ اۋدانىنىڭ جوعارعى بولىگىن جەر استى سۋمەن جابدىقتاۋ كوزدەرىنە قوسۋ بويىنشا اۋقىمدى جوبا ازىرلەۋدى تاپسىردى. نەگىزگى ماقسات-تاۋ بوكتەرىنىڭ تۇرعىندارىن تاۋلى وزەندەرگە تىكەلەي تاۋەلدىلىكتەن ارىلتۋ. وسىلايشا, جوبا اياسىندا مەدەۋ اۋدانىنىڭ ينجەنەرلىك جەلىلەرى مەن وبەكتىلەرى قولدا بار جەراستى سۋ قويمالارىنىڭ قۋاتىنا قوسىمشا قوسىلاتىن بولادى. بۇدان باسقا, الماتىدا ارقايسىسى 3 مىڭ تەكشە مەترگە دەيىنگى «بالقاش» ستانتسياسىندا 4 سكۆاجينا مەن رەزەرۆۋاردىڭ قۇرىلىسى جۇرگىزىلۋدە. بۇل جوبا 20 مىڭعا جۋىق ادام تۇراتىن كامەنسكوە پلاتو, كولساي, مۇزتاۋ جانە يۋبيلەينىي شاعىن اۋداندارىنىڭ تۇرعىندارىن سۋمەن قامتاماسىز ەتۋگە مۇمكىندىك بەرەدى», دەلىندى اكىمدىكتىڭ حابارلاماسىندا.
