ورمان دا قامقورلىققا ءزارۋ

تابيعاتتى قورعاۋ قىزمەتى اياسىندا دۇنيەجۇزىلىك جابا­يى تا­بيعات قورى (WWF) سترا­تەگيالىق ارىپتەستىكتە جويى­لىپ بارا جات­قان ورمانداردى قالپىنا كەل­تىرۋ ءۇشىن Naturella برەندىمەن بىر­لەسىپ «ورمان كۇزەتشىسى» جو­با­سىن ىسكە اسىرعان بولاتىن. اتال­عان كومپانيا تۇسكەن قا­را­­جاتتىڭ ءبىر بولىگىن «ىلە-بال­قاش» مەملەكەتتىك تابيعي رەزەر­ۆاتىنىڭ اۋماعىنداعى تو­عايلى ورماندار ەكوجۇيەسىن قال­پىنا كەلتىرۋگە جانە ساقتاۋعا باعىتتاپ وتىر.

ىلە وزەنىنىڭ اتىرابى جانە وڭتۇستىك بالقاشتىڭ سۋلى-بات­پاقتى ايماقتارى سيرەك توعاي­لى ورماندارمەن كومكەرىلگەن. ­جەر­دىڭ قۇرعاپ كەتۋى, ادام­دار­دىڭ تابيعاتقا سەلقوس قا­راۋىنان تۋىندايتىن ءورت سالدارى وسى توعايلى ورماندار­دىڭ جويىلۋىنا, رەزەرۆاتتىڭ فلوراسى مەن فاۋناسىنا, اۋا ساپاسىنا كەرى اسەرىن تيگىزەدى.

جوبا اياسىندا ورتەنگەن تو­عاي­لى ورماندار ۋچاسكەلەرىنە كە­شەندى زەرتتەۋ جۇرگىزۋ, ورتكە قار­سى ءىس-شارالاردى جۇرگىزۋ ءۇشىن ەرىكتىلەر توبىن وقىتۋ, تاڭ­دال­عان ۋچاسكەلەرگە كوشەتتەر وتىر­عىزۋ جانە كۇتىم جاساۋ جوس­پار­لانعان. وسى ورايدا «ىلە-بال­قاش» رەزەرۆاتىنىڭ 4 گەكتار ور­ماندى القابى قالپىنا كەل­تىرىلمەك.

دۇنيەجۇزىلىك جابايى تابي­عات قورىنىڭ ورماندى قالپى­­نا كەلتىرۋ جونىندەگى جوبالا­رى­­نىڭ جەتەكشىسى ايبەك بايبۇ­لوۆ ­جا­سىل جەلەكتى القاپتار­دى ­قور­عاۋ, ولاردى ساقتاپ قالۋ­­دىڭ ماڭى­زىنا توقتالدى. ونىڭ ايتۋىنشا, جاسىل جەلەكتى ال­قاپتاردى مەكەندەيتىن جابا­يى جانۋارلارعا دا قامقورلىق قاجەت, سونىمەن قاتار جاڭ­بىر­دان كەيىن ىلعال جيناپ, جاز كەزىندە تابيعي سۋ رەتتە­گىش­تە­رى بولىپ تابىلاتىن تو­عاي­لى القاپتاردىڭ ادامزات ءتىرشى-
لىگى ءۇشىن ماڭىزى زور. «ىلە-بال­قاش» رەزەرۆاتىن قولداۋعا باعىتتالعان جوبا ناتيجەسىندە وتىرعىزىلعان ءار كوشەت ۋاقىت وتكەن سايىن جايقالعان القاپقا اينالاتىنىنا سەنىم مول.

دۇنيەجۇزىلىك جابايى تابي­عات قورى وسى جوبانى ىسكە اسىرىپ, ءارى قاراي جالعاستىرۋ­دا ەرىكتىلەردىڭ, فەرمەرلەردىڭ, جەر­گىلىكتى تۇرعىنداردىڭ, ياعني ەكولوگياعا بەيجاي قارامايتىن ازاماتتاردىڭ كومەگىنە سەنىم ارتادى.

ورتالىق ازياداعى Proc­ter&­Gamble باسشىسى رۋسلان گام­زاەۆ اتاپ وتكەندەي, ورتاق ءۇيى­مىز رەتىندە ايالاي وتىرىپ, تا­بي­عاتتى قورعاۋ ۇيىمدارىمەن ىن­تى­ماقتاستىققا جانە ەكولوگيا­نى ساقتاۋدى ناسيحاتتاۋعا كەڭىنەن جول اشۋعا ءتيىسپىز. قازاقستان­نىڭ ورمان بايلىعىن ساقتاۋعا باعىتتالعان كەشەندى جوباعا قا­تىسۋشىلارىنىڭ پىكىرىنشە, توعايلى ورمانداردى قالپىنا كەلتىرۋدە جاڭا باعدارلاما­لار­دى ىسكە قوسۋ دا جوسپاردا ­بار. بۇگىندە دۇنيەجۇزىلىك جابا­­يى تابيعات قورى (WWF) الەمنىڭ 100-دەن اسا ەلىندە تابيعات قور­عاۋ ىسىمەن اينالىسىپ, ەكولوگيانى جاقسارتۋ, تابيعات ۇيلەسىمدىلىگىنە قول جەتكىزۋ مەن بيولوگيالىق الۋانتۇرلىلىكتى ساقتاۋعا ىقپال ەتىپ كەلەدى.