ەسكە سالا كەتسەك, ادەبي سىيلىقتىڭ جالپى جۇلدە قورى – 35 ملن تەڭگە. ءار اتالىمعا 5 ملن تەڭگەدەن بولىنگەن.
ۇمىتكەرلەردىڭ ءوتىنىمى 2023 جىلعى 1 مامىر – 1 قىركۇيەك ارالىعىندا www.aiboz.kz سايتى ارقىلى قابىلدانادى. ادەبي سىيلىق جىل سوڭىندا تابىستالادى. بايقاۋعا وتاندىق قالامگەرلەر قاتىسا الادى جانە ۇمىتكەرلەردىڭ جاس ەرەكشەلىگىنە شەكتەۋ جوق.
««ايبوز» – وتاندىق قالامگەرلەرگە مەملەكەت تاراپىنان قولداۋ كورسەتۋ جانە ىنتالاندىرۋ ماقساتىندا مادەنيەت جانە سپورت مينيسترلىگى ۇيىمداستىراتىن ۇلتتىق ادەبي سىيلىق. بايقاۋعا بۇرىن-سوڭدى ەش جەردە جاريالانباعان شىعارمالار عانا قابىلدانادى. بۇل قازاق ادەبيەتىنىڭ قورى 7 اتالىم بويىنشا جۇزدەگەن جاڭا تۋىندىمەن تولىعادى دەگەن ءسوز. سونداي-اق قالامگەرلەر اراسىندا باسەكە پايدا بولىپ, سونىڭ ناتيجەسىندە وقىرمانعا وزەكتى, قىزىقتى ءارى زاماناۋي شىعارمالار جول تارتادى», دەدى مسم ارحيۆ, قۇجاتتاما جانە كىتاپ ءىسى كوميتەتى كىتاپ ءىسى باسقارماسىنىڭ باسشىسى الماز مىرزاحمەت.
