فوتو: استانا قالاسى اكىمدىگىنىڭ رەسمي سايتى
قازاقستان پرەزيدەنتى قاسىم-جومارت توقاەۆ ەلدەگى, ونىڭ ىشىندە استاناداعى تۇراقتىلىق پەن قوعامدىق ءتارتىپتى قامتاماسىز ەتۋگە ەرەكشە نازار اۋدارادى.
مەملەكەت باسشىسىنىڭ تاپسىرماسى بويىنشا وسى جىلدىڭ 1 قاڭتارىنان باستاپ ۆانداليزم اكتىلەرى, قوعامدىق جانە جەكە م ۇلىكتى بۇلدىرگەنى ءۇشىن جازا قاتاڭداتىلدى.
پرەزيدەنت 3 قاڭتاردا قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنە ءتيىستى تۇزەتۋلەرگە قول قويدى. ماسەلەن, زالال 200 اەك-تەن (690 مىڭ تەڭگە) اسپايتىن بوتەن م ۇلىكتى قاساقانا بۇلدىرگەنى ءۇشىن اكىمشىلىك جاۋاپكەرشىلىك (قر اقبتك 147-1-بابى) ەنگىزىلدى.
استانا قالاسى اكىمدىگىنىڭ رەسمي سايتى ءمالىم ەتكەندەي, جوعارىدا اتالعان باپ بويىنشا وسى جىلدىڭ باسىنان بەرى 29 قۇقىق بۇزۋشىلىق انىقتالعان. ماسەلەن, مامىر ايىندا ش.قوسشىعۇل ۇلى كوشەسىندەگى №10 ءۇيدىڭ جانىندا قالا تۇرعىنى بوتەن م ۇلىكتى قاساقانا ءبۇلدىرىپ, شلاگباۋمدى مايىستىرىپ كەتكەن. سوت ونى اكىمشىلىك جاۋاپكەرشىلىككە تارتىپ, 20 اەك ايىپپۇل سالعان.
«نولدىك توزىمدىلىك» قاعيداتىن ىسكە اسىرۋ اياسىندا بيىل استانادا التى اي ىشىندە قر اقبتك-ءنىڭ 434-بابى «ۇساق بۇزاقىلىق» بويىنشا 555 حاتتاما تولتىرىلعان.
ەلوردا اكىمدىگى مەن پوليتسيا ازاماتتاردى قوعامدىق ءتارتىپتى ساقتاۋعا جانە قالا مۇلكىنە زيان كەلتىرمەۋگە شاقىرادى.
ايتا كەتەلىك, كەشە ەلوردانىڭ ۆولونتەرلەرى قالانىڭ كورىكتى ورىندارىنىڭ ءبىرى – «اتىراۋ كوپىرىن» ءتۇرلى گراففيتيلەردەن تازارتتى.
