جارىستىڭ 3-راكەتكاسى بولىپ تىركەلگەن جەرلەسىمىز فينالدىق باسەكەدە دۇنيەجۇزىلىك رەيتينگتە 570-ورىندا تۇرعان وزبەكستاندىق حۋمايۋن سۇلتانوۆپەن باس جۇلدەنى ساراپقا سالدى. ءبىرىنشى سەتتە دەنيس ەۆسەەۆ 0:5 ەسەبىمەن جەڭىلىپ جاتىپ, تاماشا كامبەك جاسادى. قاتارىنان جەتى گەيمدە جەڭىسكە جەتىپ, ءبىرىنشى پارتيانى 7:5 ەسەبىمەن ءوز پايداسىنا اياقتادى. دەگەنمەن, ەكىنشى سەتتە وزبەكستاندىق سپورتشى ءبارىبىر ءوز دەگەنىنە جەتىپ, 6:2 ەسەبىمەن تارازى باسىن تەڭەستىردى.
ال ءۇشىنشى, شەشۋشى پارتيادا دەنيس ەۆسەەۆ 6:4 ەسەبىمەن جەڭىسكە جەتىپ, ءوزىنىڭ سپورتتىق جولىنداعى ەڭ ءىرى تابىسىنا قول جەتكىزدى.
