2017 جىلعى «يسپانيا ۆۋەلتاسى» مەن 2020 جىلعى «تۋر دە فرانستىڭ» ءبىر كەزەڭىندە ۇزدىك شىققان ا.لۋتسەنكو بيىلعى ماۋسىمدا وسىمەن ەكىنشى رەت حالىقارالىق ءتۋرنيردىڭ جەڭىس تۇعىرىنان كورىنىپ وتىر. بۇعان دەيىن ول ءساۋىر ايىندا يتاليادا وتكەن «دجيرو دي سيتسيليا» دوداسىندا قارسىلاستارىن شاڭ قاپتىرىپ, باس جۇلدەنى ولجالاعان بولاتىن.
ال كۇنى كەشە بيلباو مەن گەتچو قالالارىن جالعاعان ءبىر كۇندىك جارىستا لۋتسەنكو 193,3 شاقىرىم قاشىقتىقتى 4 ساعات 19 مينۋت 10 سەكۋندتا ەڭسەرىپ, مارە سىزىعىن ءبىرىنشى بولىپ كەستى. ەكىنشى ورىندى «Lidl-Trek» كومانداسىنىڭ فرانتسيالىق وكىلى توني گاللوپين ەنشىلەسە, ءۇشىنشى ورىن «استانانىڭ» يتاليالىق تاعى ءبىر ۆەلوشاباندوزى سيمونە ۆەلاسكوعا بۇيىردى.
سونداي-اق «استانا» ساپىندا ونەر كورسەتكەن جەرلەستەرىمىز ەۆگەني فەدوروۆ پەن نۇربەرگەن نۇرلىقاسىم مارەگە 20-شى جانە 55-ءشى بولىپ جەتتى.
