نۇرباقىت مولداحمەت ۇلى 1983 جىلى تۋعان. ۇلتى قازاق, ءبىلىمى جوعارى.
2002 جىلى ق. مۇڭايتپاسوۆ اتىنداعى رەسپۋبليكالىق سپورت كوللەدجىن «دەنە شىنىقتىرۋ جانە سپورت»;
2007 جىلى م.تىنىشباەۆ اتىنداعى قازاق كولىك جانە كوممۋنيكاتسيالار اكادەمياسىن «كەدەن ءىسى»;
2007 جىلى قازاق سپورت جانە تۋريزم اكادەمياسىن «دەنە شىنىقتىرۋ مادەنيەتىنىڭ وقىتۋشىسى, كۇرەس جاتتىقتىرۋشىسى»;
2009 جىلى م.تىنىشباەۆ اتىنداعى قازاق كولىك جانە كوممۋنيكاتسيالار اكادەمياسىن «كولىكتى پايدالانۋ جانە تاسىمالداۋدى, قوزعالىستى ۇيىمداستىرۋ»;
2014 جىلى قازاق سپورت جانە تۋريزم اكادەمياسىن «پەداگوگيكا عىلىمىنىڭ ماگيسترى» ماماندىقتارى بويىنشا بىتىرگەن.
ەڭبەك جولىن 2001 جىلى قازاقستان رەسپۋبليكاسىنىڭ گرەك-ريم كۇرەس فەدەراتسياسىنىڭ سپورت-نۇسقاۋشىسى بولىپ باستاعان.
ءار جىلداردا استانا قالاسىنداعى ۇلتتىق شتاتتىق كوماندالار جانە سپورت رەزەرۆى ديرەكتسياسىنىڭ گرەك-ريم كۇرەسىنەن سپورت-نۇسقاۋشى, قازاقستان رەسپۋبليكاسىنىڭ ىشكى ىستەر ورگاندارىندا, الماتى قالاسىنىڭ دەنە شىنىقتىرۋ جانە سپورت باسقارماسىنىڭ №12 وليمپيادالىق رەزەرۆتەگى مامانداندىرىلعان بالالار مەن جاسوسپىرىمدەر مەكتەبىنىڭ ادىسكەرى, ديرەكتوردىڭ وقىتۋ-سپورت جۇمىستارى بويىنشا ورىنباسارى, الماتى وبلىستىق جوعارى سپورت شەبەرلىگى مەكتەبىنىڭ ديرەكتورى قىزمەتتەرىن اتقارعان.
2018 جىلدىڭ قازان ايىنان الماتى وبلىسىنىڭ دەنە شىنىقتىرۋ جانە سپورت باسقارماسى باسشىسى لاۋازىمىن اتقارىپ كەلگەن.
نۇرباقىت مولداحمەت ۇلى - گرەك-ريم كۇرەسىنىڭ پالۋانى, جاستار اراسىندا الەم چەمپيونى (ىستانبۇل, 2003 جىل), 2008 جىلعى بەيجىڭ وليمپياداسىنىڭ كۇمىس جۇلدەگەرى, 2009 جىلعى الەم چەمپيوناتىنىڭ قولا جۇلدەگەرى, ازيانىڭ ەكى دۇركىن چەمپيونى, قازاقستاننىڭ ەڭبەك سىڭىرگەن سپورت شەبەرى. «قۇرمەت» وردەنىنىڭ يەگەرى.
