پرەزيدەنت قاسىم-جومارت توقاەۆ ءوزارا باعالاۋدىڭ فاتف (اقشانى جىلىستاتۋعا قارسى كۇرەستىڭ قارجىلىق شارالارىن ازىرلەۋ توپتارى) ستاندارتتارىنا ساي ءساتتى وتكەنى جونىندە مالىمەت بەرىلدى. قازاقستان قىلمىستىق كىرىستەردى جىلىستاتۋعا جانە تەرروريزمدى قارجىلاندىرۋعا قارسى ءىس-قيمىلدىڭ مەيلىنشە ءتيىمدى جۇيەسىن كورسەتتى. بۇل وتاندىق بيزنەستىڭ ترانسشەكارالىق قارجى وپەراتسيالار باقىلاۋىنان وڭاي وتۋىنە مۇمكىندىك بەرەدى.
سونداي-اق حالىقارالىق ىنتىماقتاستىقتى نىعايتۋ جۇمىستارى جالعاسىپ كەلەدى. قازاقستان اقشانى جىلىستاتۋعا قارسى كۇرەس جونىندەگى ازيا-تىنىق مۇحيتى توبىندا باقىلاۋشى مارتەبەسىنە يە بولدى. بۇل وسى ايماقتاعى ەلدەرمەن قارىم-قاتىناستىڭ تيىمدىلىگىن ارتتىرادى.
جۋىردا ۇكىمەت كولەڭكەلى ەكونوميكاعا قارسى ءىس-قيمىل جونىندەگى 2023-2025 جىلدارعا ارنالعان كەشەندى جوسپاردى بەكىتتى. قۇجاتتا ساۋدا, وڭدەۋ ونەركاسىبى, اۋىل شارۋاشىلىعى, جىلجىمايتىن م ۇلىك جانە كولىك سالالارىنداعى كولەڭكەلى وپەراتسيالاردىڭ دەڭگەيىن تومەندەتۋ شارالارى قامتىلعان.
جانات ەليمانوۆتىڭ ايتۋىنشا, اگەنتتىك قىزمەتىنىڭ ناتيجەسىندە جىل باسىنان بەرى 94 ميلليارد تەڭگە شىعىن وتەلىپ, اكتيۆتەر قايتارىلدى, 5 قىلمىستىق توپ جويىلدى (تاعى 3 ءىس جۇرگىزىلىپ جاتىر).
بيۋدجەت قارجىسىن جىمقىرۋ فاكتىلەرى بويىنشا وتىن-ەنەرگەتيكا كەشەنىندە, كوممۋنالدىق قىزمەت كورسەتۋ جانە گاز سالاسىندا بىرقاتار ءىس تەرگەلىپ جاتىر.
ازاماتتاردىڭ دەنساۋلىعىن قورعاۋ ماقساتىندا سۋرروگات الكوگول وندىرەتىن 12 تسەحتىڭ قىزمەتى توقتاتىلدى, ەلىمىزگە قۇنى 5,3 ميلليارد تەڭگە بولاتىن ەلەكتروندى تەمەكى اكەلۋگە جول بەرىلمەدى.
زاڭسىز ويىن بيزنەسىنە قارسى ءىس-ارەكەتتەر ناتيجەسىندە 11 جاسىرىن كازينو جانە 2 بۋكمەكەرلىك كەڭسە تاراتىلدى.
ازاماتتاردى الاياقتىق ىسكە تارتۋعا جول بەرمەۋ ءۇشىن 22 قارجى پيراميداسىنىڭ قىزمەتى توقتاتىلدى, سالىمشىلارعا كەلتىرىلگەن 1,9 ميلليارد تەڭگە شىعىن وتەلدى, قارجى پيراميدالارىن جارنامالايتىن 5,3 مىڭنان استام سايت پەن اككاۋنت بۇعاتتالدى.
سونىمەن قاتار اگەنتتىكتىڭ اتسالىسۋىمەن 14 وبلىستا الەۋمەتتىك ماڭىزى بار ازىق-ت ۇلىك ونىمدەرىنىڭ 14 ءتۇرى بويىنشا باعا ارزاندادى.
كەزدەسۋ سوڭىندا قاسىم-جومارت توقاەۆ بيزنەستى قورعاۋعا, سونداي-اق شەتەلگە زاڭسىز قاراجات شىعارۋدىڭ جانە ۇلتتىق جوبالارعا بولىنەتىن بيۋدجەت قارجىسىن جىمقىرۋدىڭ جولىن كەسۋگە باعىتتالعان بىرقاتار تاپسىرما بەردى.
