ۇلتتىق بانك نومينالى 200 تەڭگەلىك بانكنوتالاردىڭ زاڭدى تۇردە تولەم قۇرالى سانالاتىنىن ەسكە سالدى. بۇل بانكنوتالار قازاقستان رەسپۋبليكاسىنىڭ بارلىق اۋماعىندا كەز كەلگەن تولەم ءتۇرى بويىنشا قابىلدانۋعا مىندەتتى.
«قازاقستان رەسپۋبليكاسىنىڭ اۋماعىندا اينالىمداعى ۇلتتىق ۆاليۋتا بانكنوتالارى مەن مونەتالارىن بەلگىلەنگەن قۇنىنا قاراي قابىلداۋدان باس تارتۋ – «اكىمشىلىك قۇقىق بۇزۋشىلىق تۋرالى» قازاقستان رەسپۋبليكاسى كودەكسىنىڭ 206-بابىندا كوزدەلگەن اكىمشىلىك جاۋاپكەرشىلىككە جەتەلەيدى», دەلىنگەن حابارلمادا.
بۇعان قوسا, ۇلتتىق بانك نومينالى 200 تەڭگەلىك جاڭا بانكنوتالاردى اينالىمعا شىعارماعانىن اتاپ ءوتتى.
«اينالىمداعى 200 تەڭگەلىك بانكوتالار زاڭدى كۇشىن جويعان جوق, ءارى تابيعي توزىعى جەتكەندە عانا اينالىمنان شىعارىلىپ, 200 تەڭگەلىك مونەتالارمەن اۋىستىرىلادى. قوسىمشا سۇراقتار تۋىنداسا, 1477 ءنومىرى ارقىلى ۇلتتىق بانكتىڭ بايلانىس ورتالىعىنا حابارلاسۋعا بولادى», دەپ ءتۇسىندىردى ۇلتتىق بانك ءباسپاسوز قىزمەتى.
