52 جاستاعى ماديار كەمبىلوۆ باپكەرلىك مانسابىن 2005 جىلى باستاعان. ءار جىلدارى ول «ورداباسى U-16», «اكادەميا وڭتۇستىك», «تۇران ج», «ياسسى» سياقتى كلۋبتاردا جاتتىقتىرۋشى قىزمەتىن اتقارعان. قازىرگى تاڭدا ول «بيىك-شىمكەنت» قىزدار كومانداسىنىڭ باس باپكەرى بولىپ جۇمىس ىستەيدى. ال بۇعان دەيىن ەلىمىزدىڭ ايەلدەر قۇراماسىن رەسەيلىك مامان الەكساندر سەمەنوۆ جاتتىقتىرىپ كەلگەن ەدى.
قازاقستان ايەلدەر قۇراماسى بيىل ۋەفا ۇلتتار ليگاسىنا قاتىسادى. جەرەبە قورىتىندىسى بويىنشا ءبىزدىڭ كوماندا س ليگاسىنىڭ ءتورتىنشى توبىندا يزرايل, ەستونيا جانە ارمەنيا قۇرامالارىمەن وينايدى. توپتىق كەزەڭنىڭ ماتچتارى وسى جىلدىڭ 20 قىركۇيەگىندە باستالىپ, 2023 جىلدىڭ 5 جەلتوقسانىنا دەيىن جالعاسادى.
