كەشەگى جارىس كۇنىندە ءجۇزۋ سپورتىنىڭ وكىلدەرى كەزەكتى جۇلدەلەردى ساراپقا سالدى. ايەلدەر اراسىنداعى 1 500 مەتر قاشىقتىققا ەركىن ستيلدە ءجۇزۋ جارىسىندا وتانداسىمىز ديانا تاسجانوۆا جارىس جولىنا شىعىپ, ىرىكتەۋ كەزەڭىنەن وتە المادى. دەگەنمەن ول اتالعان قاشىقتىقتى 17 مينۋت 09,98 سەكۋندتا ءجۇزىپ ءوتىپ, قازاقستاننىڭ جانە ءوزىنىڭ جەكە رەكوردىن جاڭارتتى. بۇعان دەيىنگى ەل رەكوردى 17 مينۋت 23,37 سەكۋند بولاتىن. 31 سپورتشى باق سىناعان جارىستا وتانداسىمىز 29-ناتيجە كورسەتتى.
سونداي-اق ءجۇزۋ بويىنشا الەم چەمپيوناتىنىڭ ەكىنشى كۇنىندە قازاقستان قۇراماسىنان تاعى ەكى سپورتشى باق سىنادى. 100 مەتر قاشىقتىقتا كسەنيا يگناتوۆا 1.02.34 ناتيجەمەن 32-ورىنعا يە بولسا, 100 مەترگە براسس ادىسىمەن جۇزۋدە ادەلايدا پچەلينتسەۆا 42-ناتيجە كورسەتتى (1.11.41). قازىرگى تاڭدا قازاقستان قۇراماسى جالپىكوماندالىق ەسەپتە 1 قولا جۇلدەمەن 31-ورىندا تۇر. ازىرگە جالعىز مەدالدى ارتيستىك ءجۇزۋ بويىنشا ونەر كورسەتكەن ەدۋارد كيم جەڭىپ العان بولاتىن.
