سالتاناتتى شاراعا اۋە شابۋىلىنا قارسى قورعانىس اسكەرلەرىنىڭ باسشىلىق قۇرامى, اسكەري قىزمەتشىلەر, ءبولىم ارداگەرلەرى جانە جەرگىلىكتى اتقارۋشى ورگانداردىڭ وكىلدەرى قاتىستى.
قاتىسۋشىلاردى 97617 اسكەري ءبولىمىنىڭ كومانديرى پولكوۆنيك ءادىل سۋبەباەۆ اتاۋلى كۇنمەن قۇتتىقتادى.
قۇرمەتتى قوناقتار ءوز ەستەلىكتەرىمەن ءبولىسىپ, جەكە قۇرامعا جىلى لەبىزدەرىن ءبىلدىرىپ, باعالى سىيلىقتار تابىس ەتتى.
ءبولىمنىڭ مەرەيتويىنا وراي كىتاپ شىعارىلىپ, دەرەكتى فيلم تۇسىرىلگەن. وندا اۋە شابۋىلىنا قارسى قورعانىس بريگاداسىنىڭ تاريحىنداعى ماڭىزدى كەزەڭدەر كورسەتىلدى.
97617 اسكەري ءبولىمىنىڭ تاريحى ۇلى وتان سوعىسى جىلدارىنان باستالعان ەكەن. 1943 جىلدىڭ مامىر-ماۋسىم ايلارىندا روستوۆ وبلىسىنىڭ جوعارعى تاراسوۆ ستانتسياسىندا دالا مايدانىنىڭ 46-ارمياسىندا 1651-ءشى اشقق ارميا ارتيللەريالىق پولكى قۇرىلادى. 1943 جىلى 25 شىلدەدە وعان پولكتىڭ قىزىل تۋى بەرىلەدى. بۇل كۇن اسكەري ءبولىمنىڭ قۇرىلعان كۇنى رەتىندە تاريحتا قالعان.
پولكتىڭ جەكە قۇرامى بۋداپەشت پەن ۆەنانى ازات ەتۋگە قاتىسقان. سوعىستان كەيىن ول اۆستريادان چەحوسلوۆاكياعا دەيىن مارش جاسايدى, وندا نەيم-بەنەشەۆ قالاسىندا بەيبىت ۋاقىتتاعى جاۋىنگەرلىك وقۋدى باستايدى, 1961 جىلى پولك 97617 اسكەري ءبولىمى رەتىندە قايتا قۇرىلعان ەكەن.
سالتاناتتى شارا بارىسىندا ءبولىمنىڭ مەرەيتويىنا وراي ەرەكشە كوزگە تۇسكەن اسكەري قىزمەتشىلەر مەن مەرزىمدى قىزمەتتەگى ساربازدارعا مەرەيتويلىق مەدالدار تابىستالدى.
