24-شىلدەدە «قايراق» اۆتوموبيل وتكىزۋ پۋنكتىندە مەملەكەتتىك شەكارادان ءوتۋ كەزىندە قوستاناي وبلىسى پد جانە قارابالىق اۋدانى ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى قوستاناي وبلىسى بويىنشا ۇقك شەكارا قىزمەتىنىڭ قىزمەتكەرلەرىمەن بىرلەسىپ, رەسەي ازاماتىنان ەسىرتكى زاتتارىن تاركىلەدى. ول ماريحۋانانى Kinder شوكولادىنا جاسىرىپ, شەكارادان وتپەكشى بولعان.
«رەسەيگە قاراي شەكارانى كەسىپ وتپەك بولعان جولاۋشىنى تەكسەرۋ بارىسىندا قىزمەتتىك يت ەسىرتكىنىڭ ءيىسىن سەزدى. ەر ادام وزىمەن بىرگە تىيىم سالىنعان زاتتار بار ەكەنىن مويىندادى. ەسىرتكى زاتتارىن قايدا جاسىرعانىن سۇراعانىمىزدا, ول Kinder سيۋرپريز شوكولادىن كورسەتتى. وندا شامامەن 3 گر ماريحۋانا بولدى», دەدى قوستاناي وبلىسى پد ەسىرتكى قىلمىسىنا قارسى ءىس-قيمىل باسقارماسىنىڭ باستىعى نۇرجان احمەتوۆ.
قازىرگى ۋاقىتتا ەكى باپ بويىنشا - قر قك 286 «كونتراباندا ارەكەتى», سونداي-اق قر قك 296-بابى «ەسىرتكى قۇرالدارىن ساقتاۋ» بويىنشا سوتقا دەيىنگى ءىس جۇرگىزۋ باستالدى. ءتيىستى ساراپتامالار تاعايىندالدى, تەرگەۋ جۇمىستارى جۇرگىزىلىپ جاتىر.
كاريما جۇماعالي,
قورقىت اتا اتىنداعى قىزىلوردا ۋنيۆەرسيتەتىنىڭ ستۋدەنتى
