كەشە حوككەيشىلەر «بارىس ارەنا» سپورت كەشەنىندەگى مۇزايدىندا العاشقى جاتتىعۋىن وتكىزدى. «بارىستىڭ» باس باپكەرى اندرەي سكابەلكا جاتتىعۋ ۇدەرىسىنە ازداعان وزگەرىستەر ەنگىزگەنىن ايتتى. ء«بىز ەندى بۇرىنعىداي ەكى جاتتىعۋ جيىنىن ەمەس, قىسقا-قىسقا بەس جاتتىعۋ كەزەڭىن وتكىزەمىز دەپ جوسپارلادىق. ارقايسىسى ءار باعىتتا جۇرەدى. نەگىزىنەن سىرعاناۋ جاتتىعۋىنا كوبىرەك كوڭىل بولەمىز», دەيدى ا.سكابەلكا.
ايتا كەتەيىك, «بارىس» قحل-ءدىڭ بيىلعى ماۋسىمىنداعى العاشقى ويىنىن 2 قىركۇيەك كۇنى ەلوردادا وفەنىڭ «سالاۆات يۋلاەۆ» كومانداسىمەن وتكىزەدى. ال 4 قىركۇيەكتە «سيبير» كلۋبىمەن كەزدەسەدى. كەيىننەن سىرت الاڭداعى ويىندار سەرياسىنا قاتىسۋ ءۇشىن نوۆوسىبىرگە اتتانادى.
