پارا سپورتشىلار اراسىنداعى سارى قۇرلىق دوداسىنا ازيانىڭ 6 مەملەكەتىنەن كەلگەن 50 سپورتشى قاتىستى. ازيا بىرىنشىلىگىنە قازاقستان قۇراماسىنىڭ بەس سپورتشى قاتىسىپ, ناتيجەسىندە 2 التىن جانە 2 كۇمىس مەدال جەڭىپ الدى.
اتاپ ايتار بولساق, ايەلدەر اراسىنداعى باسەكەدە ءلاززات ءجۇسىپوۆا مەن حازگۇل يزماعامبەتوۆالار ءوز سالماق دارەجەلەرىندە ۇزدىك شىعىپ, التىننان القا تاقسا, ەرلەر جارىسىندا باق سىناعان ديدار مۇحامەدجانوۆ پەن ايەلدەر اراسىندا ونەر كورسەتكەن نۇرجاينا جاننەتوۆا فينالدىق سايىستا قارسىلاستارىنا ەسە جىبەرىپ, ازيا چەمپيوناتىنىڭ كۇمىس جۇلدەسىن يەلەندى.
