سەرۆەرلىك جابدىققا جانە باسقا دا اقپاراتتىق رەسۋرستارعا قول جەتىمدىكتەرىن پايدالانىپ, كۇدىكتىلەر ارنايى باعدارلامالاردى قولدانۋ ارقىلى تالاپكەرلەر مەن پەداگوگتاردىڭ قىزىعۋشىلىق تانىتقان كومپيۋتەرلەرىنە قاشىقتان قوسىلىپ, اقشالاي سىياقى ءۇشىن ولارعا تەستتەن جوعارى ناتيجەلەر الۋعا جاردەم كورسەتكەن.
«2023 جىلعى 19 شىلدەدە 3 نەگىزگى كۇدىكتى ۇستالدى. ءتىنتۋ بارىسىندا قاشىقتان قوسىلۋدى قامتاماسىز ەتەتىن تەحنيكالىق قۇرىلعىلار مەن باعدارلامالار, اقشالاي قاراجات جانە وزگە دە زاتتاي دالەلدەمەلەر تاركىلەندى. قازاقستان رەسپۋبليكاسى قىلمىستىق كودەكسىنىڭ 207 «اقپاراتتىق جۇيەنىڭ نەمەسە تەلەكوممۋنيكاتسيالار جەلىسىنىڭ جۇمىسىن بۇزۋ») جانە 210 باپتارى («زيان كەلتىرەتىن كومپيۋتەرلىك باعدارلامالار مەن باعدارلامالىق ونىمدەردى جاساۋ, پايدالانۋ نەمەسە تاراتۋ») بويىنشا سوتقا دەيىنگى تەرگەپ-تەكسەرۋ باستالدى», دەلىنگەن حابارلامادا.
قىلمىستىق-پروتسەستىك كودەكستىڭ 201-بابىنا سايكەس وزگە اقپارات تەرگەۋ مۇددەسىندە جاريا ەتىلمەيدى.
ايتا كەتسەك, 2022 جىلى ۇلتتىق قاۋىپسىزدىك كوميتەتى وسىعان ۇقساس قىلمىستار جاساعانى ءۇشىن 6 ادامدى قىلمىستىق جاۋاپكەرشىلىككە تارتقان ەدى.
