ءوڭىر تۇرعىنىنىڭ دەنساۋلىعى ناشارلاي تۇسكەنىن بايقاعان دارىگەرلەر جەدەل ىسكە كىرىسكەن. ناتيجەسىندە St سەگمەنتىن كوتەرمەيتىنى ناقتىلانىپ, جەدەل كورونارلىق سيندروم دياگنوزى انىقتالدى. كورونارلىق انگيوگرافيا ناتيجەسىندە ناۋقاستان كورونارلىق ارنانىڭ ەكى تامىرىنىڭ زاقىمدانۋى بەلگىلى بولعان. جۇرەكتى ۋلترادىبىستىق زەرتتەۋ كەزىندە ستەنوز باسىم بولاتىن قولقا اقاۋى ايقىندالعان.
جاساندى قان اينالىمى جاعدايىندا وعان قولقا پروتەزىن يمپلانتاتسيالاۋ بويىنشا حيرۋرگيالىق ارالاسۋ شۇعىل تۇردە جۇرگىزىلىپ, كورونارلىق ارتەريانى اۋتوۆەنوزدى قولقا, كورونارلىق شۋنتتاۋمەن قولقا پروتەزى ورناتىلدى. وسىلايشا, ءبىر وپەراتسيا بارىسىندا ەكى كۇردەلى جاعداي بىردەن رەتتەلىپ, ەكى رەت وتا جاسالمايتىن بولىپ شەشىلدى.
بۇرىن-سوڭدى جاسالماعان بىرەگەي حيرۋرگيالىق ارالاسۋدى كارديوحيرۋرگتەر باۋىرجان بايتورە, مۇحامەديار جايپانوۆ, مارات اقنيازوۆ جانە نۇربول جالەل, سونداي-اق رەانيماتولوگتەر ازامات ورازىمبەتوۆ پەن اقجان مىرزاعۇلوۆ جاساپ شىقتى.
كارديوحيرۋرگيا بولىمشەسىنىڭ مەڭگەرۋشىسى مۇحامەديار جايپانوۆتىڭ ايتۋىنشا, وپەراتسيادان كەيىنگى كەزەڭدە ناۋقاستا تسەرەبرالدى جەتكىلىكسىزدىك بەلگىلەرى انىقتالماعان, اياق-قولداردىڭ قىزمەتى مەن تانىمدىق قابىلەتى ساقتالعان.
وتادان كەيىنگى العاشقى تاۋلىكتە پاتسيەنتتىڭ جاعدايى ءبىرشاما جاقسارعان. دارىگەرلەردىڭ شەشىمىمەن ول جالپى پالاتاعا اۋىستىرىلعان. كۇردەلى دە ءساتتى جاسالعان حيرۋرگيالىق ارالاسۋ ارقاسىندا ناۋقاسقا دەر كەزىندە جوعارى بىلىكتى مەديتسينالىق كومەك كورسەتىلگەندىكتەن, ونىڭ جاعدايى قالىپقا كەلدى. وپەراتسيانىڭ بۇل ءتۇرى وڭىردە بۇرىن جاسالماعان. سوندىقتان بۇل ساناتتاعى ناۋقاستار امالدىڭ جوقتىعىنان وزگە وڭىرلەرگە اتتاناتىن.
