سونىمەن قاتار نازارباەۆ جانە دوستىق داڭعىلدارىنا شىعاتىن جولدار جوندەلدى. كەلەسى كەزەڭ - داڭعىلدىڭ سولتۇستىك جاعىن ورتاشا جوندەۋ.
«22 شىلدە ساعات 23:00-دەن 24 شىلدە ساعات 07:00-گە دەيىن ءال-فارابي داڭعىلىنىڭ بويىمەن جاربۇلاق وزەنىنەن سەيفۋللين داڭعىلىنا دەيىن باتىس باعىتتاعى كولىك قوزعالىسى تولىعىمەن جابىلادى», دەپ ەسكەرتتى قالا اكىمدىگى.
جاربۇلاق وزەنىنەن ماركوۆ كوشەسىنە دەيىنگى ۋچاسكەدە وتكىزۋ قابىلەتىن ارتتىرۋ ماقساتىندا كەرى قوزعالىس ۇيىمداستىرىلاتىنى ناقتىلاندى. بۇل رەتتە جول پوليتسياسىنىڭ قىزمەتكەرلەرى جول قوزعالىسى قاۋىپسىزدىگىن قامتاماسىز ەتەدى.
ءال-فارابي داڭعىلىنداعى جول كەستەگە سايكەس جوندەلىپ جاتىر جانە وقۋ جىلى باستالعانعا دەيىن اياقتالادى. مارشرۋتتى الدىن الا رەتتەۋ كەرەك. جوندەۋ مەرزىمىنىڭ قاباتتاسۋىنا بايلانىستى ءبولىم ۋاقىتشا قولايسىزدىقتار ءۇشىن كەشىرىم سۇرادى.
بۇعان دەيىن الماتىداعى ساين كوشەسىندە ۋاقىتشا رەۆەرسيۆ قوزعالىس ورناتىلعانى ايتىلعان.
