فوتو: ماڭعىستاۋ وبلىسىنىڭ اكىمدىگى
ماڭعىستاۋ وبلىسى اكىمىنىڭ ءباسپاسوز قىزمەتى حابارلاعانداي, تۇپقاراعان اۋدانىنداعى اقشۇقىر اۋىلىندا «جەتى لاق» فەرماسىنىڭ نەگىزىن قالاۋشى كوبزەۆتەر وتباسى ەشكى مەن تۇيە سۇتىنەن ىرىمشىك ونىمدەرىن شىعارۋمەن اينالىسادى. بيىل ولار Le Mondial du fromage-2023 حالىقارالىق ىرىمشىك بايقاۋىنا قاتىسادى. ەرەكشە اتاپ وتەرلىگى, اتالمىش حالىقارالىق كونكۋرسقا قازاقستاننان ۇمىتكەرلەر بۇرىن-سوڭدى قاتىسپاعان.
«جەتى لاق» فەرماسى حالىقارالىق ىرىمشىك بايقاۋىندا قازاقستاننىڭ ونىمدەرىن تانىستىرادى. بۇل قازاقستاندىقتاردىڭ كونكۋرس ۇيىمداستىرۋشىلارىنان اككرەديتاتسيا العان العاشقى جاعداي.
2020 جىلدان باستاپ جۇمىس ىستەيتىن «جەتى لاق» فەرماسى پاستەرلەنگەن ەشكى ءسۇتىن, يوگۋرت, ايران, سۇزبە, قايماق جانە ىرىمشىكتىڭ 12 ءتۇرىن شىعارادى. كوبزەۆتەر وتباسى ايىنا 3,5 توننا ەشكى ءسۇتىن وندىرەدى. 10 گا اۋماقتى الىپ جاتقان فەرمانىڭ ءتورت گەكتارى ەشكى وسىرۋگە ارنالسا, قالعان اۋماعىندا جەم-ءشوپ قويماسى مەن ءسۇت وڭدەۋ تسەحى ورنالاسقان.
فرانتسۋزدىق Le Mondial du fromage بايقاۋى قىركۇيەك ايىنىڭ 10-12 كۇندەرى ارالىعىندا تۋر قالاسىندا وتەدى.
